PAMMILANGNGANG 24:8 - KITTA' MATANGKASA'

⁸ Allata'ala angngerangi ke'nanga assulu' battu ri butta Mesir, rapang tedong romang a'bunduka ansambeangi ke'nanga. Bansa-bansana musua lacappuki Naa'lu', buku-bukunna ke'nanga Nalissaraki, siagang pana-panana ke'nanga Natepoki.

PAMMILANGNGANG 24:8 ပူးပေါင်းရင်းမြစ်များ

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

PAMMUJI 21:12

Punna appare' rancana ke'nanga langngewai karaenga, tala'jariai akkala' balle-ballena ke'nanga.

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

YESAYA 38:13

La'busu' bangngia' ammarrang napakamma pa'risi', rapang nilicara' buku-bukungku ri singa; kukapangi laNapa'le'ba'mi Allata'ala tallasakku.

YEREMIA 50:17

Nakana Batara, “Tu Israel rapangi pa'rappungang gimbala' niondanga siagang nipasimbung-simbunga ri singa. Uru-uruna nibunduki ke'nanga ri karaeng Asyur, nampa Nebukadnezar Karaeng Babel angngallei buku-bukunna ke'nanga.

YEREMIA 50:9

LappagiokKa' siapa are jaina bansa kassaka battu wara' sollanna nabunduki Babel. Langngatoroki ke'nanga barisang untu' a'bundu' angngewai Babel na nabeta. Anjo ke'nanga tau cara'de' ammake sanjata pana, tenaya nale'ba' tassala batena ammana.

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”

PAMMILANGNGANG 23:22

Allata'ala angngerangi ke'nanga assulu' battu ri butta Mesir; rapang tedong romang liara' a'bundu' ansambeangi ke'nanga.

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

MATIUS 2:15

Ammantammi ke'nanga anjoreng sa'genna mate Herodes. Lanri kammana, a'rupami kananNa Batara le'baka Nasuro pabattu ri na'biNa, angkanaya, “Kukioki ammotere' anakKu battu ri Mesir.”

PAOLE 32:23

Kupabattu bala tamammari-maria, Kupakei pana-panana balinna ke'nanga.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 2:10

Nalangngere'mi ikambe kabara'na, angkana antekamma bateNa Batara ampa'jari kalotoroki Tamparang Alara' ri dallekannu ngaseng, ri wattunna nubokoi Mesir. Nalangngere' tommi ikambe kabara'na angkana antekamma batena nubuno Sihon siagang Og, iamintu rua karaeng bansa Amori ri rayanganna Binanga Yordan.