PAMMILANGNGANG 24:5 - KITTA' MATANGKASA'

⁵ Tamaka ga'gana kema-kemanu he Yakub, siagang tampa'-tampa' pammantangannu, he Israel!

PAMMILANGNGANG 24:5 ပူးပေါင်းရင်းမြစ်များ

NEHEMIA 13:2

nasaba' ri wattunna Israel lalang pa'jappang assulu' battu ri Mesir, anne ruaya bansa taerokai assare kanre siagang je'ne' ri anjo bansaya. Ba'lalo nagajimi ke'nanga Bileam untu' antunrai bansa Israel, mingka Allata'alata napinrai anjo pattunraya a'jari barakka'.’

PAMMUJI 84:2

Tamaka appakasannanna tampa' pammantanganTa, o, Allata'ala Kaminang Koasaya!

KALAPPASSANG 38:21

Iaminne dattara'na sikamma apa-apa niaka nipake lalang ri KemaNa Batara, siagang pammantanganna ruaya batu nipannulisi siagang Sampulo ParentaNa Allata'ala. Anjo dattaraka nipareki lanri parentana Musa, siagang nisusunga ri sikamma tu Lewi anjamaya nipimping ri Itamar, ana'na Imang Harun.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

KELONG MALA'BIRI' 6:4

Ikau ga'ga, sayangku, sangga'ga kota Yerusalem, sambaji' kota Tirzah. Sanna' angngallenu pa'mai', rapang tantara siagang bandera-banderana.

KAIMANGNGANG 23:42

Tuju allo sallona musti ammantangi sikontu bansa Israel lalang ri pa'balla'-ballakang leko'-leko' kayua,

MALEAKHI 2:12

Poro sikamma anjo tau a'gau' kammaya Nipakabellai ri Batara battu ri umma' Israel. Poro tena lalomo namminawang ri bansata assare koro'bang-koro'bang mae ri Batara Kaminang Koasaya.

PAMMILANGNGANG 2:34

Nagaukammi tu Israel sikontu anjo apa Naparentakanga Batara mae ri Musa. Massing akkemami ke'nanga ri tammulilina massing banderana, siagang a'lampami ke'nanga situru' golongang bijanna siagang kaluargana.

PAMMILANGNGANG 24:2

na nacini' bansa Israel sitabang akkema a'gompo-gompo situru' massing suku-suku bansana. Nampa nikoasaimo Bileam ri RohNa Allata'ala,

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

PAMMILANGNGANG 24:6

Rapangi lappara' luaraka, yareka koko niaka ri biring binangaya; rapang poko' gaharu Nalamunga Batara, poko' arasa' niaka ri biring kaloroka.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

YOSUA 24:10

Mingka tena naKuturukiang ero'na Bileam, na nabarakkakiko. Kammaminjo naKupasalamakko battu ri Balak.