PAMMILANGNGANG 24:17 - KITTA' MATANGKASA'

¹⁷ Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

PAMMILANGNGANG 24:17 ပူးပေါင်းရင်းမြစ်များ

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

2 SAMUEL 8:14

Ambangummi pakkemaang-pakkemaang tantara ri sikontu Edom, na anjo sikontu tu Edom tundu'mi mae ri ia. Nisarei Daud pammetang ri Batara manna pole kemae napa'bunduki.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 KARAENG-KARAENG 3:5

Mingka ri wattunna matemo Karaeng Ahab, angngewami Mesa mae ri tu Israel.

1 PATTOTTORANG 18:2

Nabeta tommi Daud tu Moab, sa'genna tundu'mo ke'nanga siagang a'bayara'mi passare mae ri ia.

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

YESAYA 15:1

Iaminne pappasanNa Batara ri sesena Moab. Kota Ar siagang Kir laniancuruki lalang sipattang, siagang pa'rasangang Moab la'jari sino sikali.

YESAYA 9:7

Napabattumi Batara hukkunganga mae ri kakaraenganna Israel.

YEREMIA 48:1

Iaminne kananNa Batara Kaminang Koasaya, iamintu Allata'alana Israel, ri sesena Moab, nakana, “Cilakai pandudu'na Nebo, nasaba' runtummi kotana! Niallei Kiryataim, siagang benteng pattahanganna kassaka niancuru'mi, sa'genna siri'-siri' pandudu'na;

YEREMIA 48:45

Tau annompang tenaya pakkullena a'lampai a'boya pa'la'langngang ri Hesybon, mingka anjo kotaya akkanrei siagang manna balla' karaenna Sihon nikanre tongi ri pepe'. Pepeka le'ba'mi naancuru' daera pa'baeng-baenga siagang pa'monconganna Moab, pa'rasanganna tau nangaia a'bundu'.

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

PAMMILANGNGANG 21:29

He bansa Moab, cilaka mako! Tu manynyombaya ri Kamos, panrakko! Nibalang parekangko ri rewatanu a'jari tau a'lampa annompang, tubai'-bainenu a'jari tunitahangi ri karaeng Amori.

PAMMILANGNGANG 24:16

le'baka allangngereki kana-kananNa Allata'ala, siagang akkullea angngassengi Kaminang Tinggia; ancinikai Napa'nyata KalenNa Kaminang Koasaya lalang anra'bana mingka tassungkei matanna.

LUKAS 1:78

Baji' ati na mangngamaseang Bataraya; battui lanri erotta Napasalama'. Sanrapang mataallo ammumba ri bari'basaka,

IBRANI 1:8

Mingka mae ri anjo Anaka, Nakana Allata'ala, “Empoang kala'biranNu, o Allata'ala, lasa'genna satunggu-tungguna! PamarentahanNu, iamintu pamarentahang adele'.

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”

1 SAMUEL 14:38

Lanri kammana nakanamo Saul mae ri sikamma pamimping ra'yaka, “Mae ngasengko anrinni, nampa nuparessa ngaseng dosa apa le'ba' nigaukang anne alloa.