PAMMILANGNGANG 24:13 - KITTA' MATANGKASA'

¹³ manna pole kisareang ngasenga' sikontu peraka siagang bulaeng niaka lalang ri balla' kakaraenganta, talakkullei kudakkai parentaNa Batara siagang anggaukangi apa nangaia pa'maikku? Iaji bawang lakupau apa Nasuro paua Batara ri nakke.”

PAMMILANGNGANG 24:13 ပူးပေါင်းရင်းမြစ်များ

1 KARAENG-KARAENG 13:8

Appialimi anjo na'bia angkana, “Manna pole nasarea' karaenga tawaruanna kakalumanynyangnganna karaenga, tena nakulamminawang untu' mange angnganre yareka angnginung siagang karaenga.

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

PAMMILANGNGANG 16:28

Nampa angkanamo Musa, “Kamma-kamma anne lanuassemmi angkanaya Batara assuroa' anggaukangi anne sikammaya, siagang anjo kammaya teai ero' kalengku.

PAMMILANGNGANG 22:18

Mingka appiali Bileam angkana, “Manna pole nasikontu peraka siagang bulaenga ia niaka lalang ri balla' kakaraenganna Karaeng Balak napabayara' mae ri nakke, talaerokka' andakkai parentaNa Batara, Allata'ala kusombaya. Manna sike'de' dudu taerokka' angngewai Allata'ala.

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

PAMMILANGNGANG 22:8

Nakanamo Bileam ri ke'nanga, “A'bangngi ngaseng mako anrinni. Ammuko lakusareko kabara' angkana apa Nakana Batara mae ri nakke.” Jari a'bangngimi anjo sikamma pamimpinga ri tampa'na Bileam.