PAMMILANGNGANG 23:8 - KITTA' MATANGKASA'

⁸ Maka akkullea' attunra, punna tena Nattunra Allata'ala? Maka akkullea' anghukkungi taua, punna tena naKalenNa Batara anghukkung?

PAMMILANGNGANG 23:8 ပူးပေါင်းရင်းမြစ်များ

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 22:6

La'bi kassakangngangi ke'nanga na ikambe. Jari battu sako mae! Tunraimi anjo ke'nanga untu' inakke. Gassingka akkulleji ikambe ambetai ke'nanga siagang ambongkai ke'nanga battu anrinni ri pa'rasanganga. Nasaba' tappaka' angkanaya inai-nai tau nubarakkaki, langgappai barakka', siagang inai-nai nutunrai langgappai bala.”

PAMMILANGNGANG 23:20

Nisuroa' assare barakka'; siagang punna Allata'ala assare barakka', takkulleai kubeso' ammotere'.

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

PAMMILANGNGANG 23:7

Nampa napaumo Bileam anne botoa angkana, “Battu ri Aram, ri moncong niaka iraya, nakioka' Balak, karaenna tu Moab, angkana, ‘Battuko mae, a'bicara untu' inakke. Tunrai anjo bansa Israel.’