PAMMILANGNGANG 23:5 - KITTA' MATANGKASA'

⁵ Nampa Napabattumo Batara mae ri Bileam apa musti napau, siagang Nasuromi ammotere' mange ri Balak untu' ampabattui pasanNa Batara mae ri ia.

PAMMILANGNGANG 23:5 ပူးပေါင်းရင်းမြစ်များ

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

PANGNGEBARANG 16:1

Rupataua akkullei appare' rancana, mingka Allata'ala assare kaputusang.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 59:21

LapparekKa' parjanjiang siagang ikau ngaseng: Kusareko koasangKu siagang ajarangKu sa'genna satunggu-tungguna. Pangngajarrangi mae ri ana'-ana'nu sollanna akkulle todong ke'nanga ampangngajarrangi situlusu'na mange ri jari-jarina kamma-kamma anne sa'genna satunggu-tungguna.”

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

PAMMILANGNGANG 22:35

Mingka nakanamo malaeka'Na Batara, “Amminawangko ri nakke siagang sikamma anjo taua. Mingka iaji bawang akkulle nupau apa kusuro paua.” Jari napannarrusu'mi jappana Bileam siagang anjo sikamma tunasuroa Balak.

PAMMILANGNGANG 23:16

Battumi Batara angngagangi assibuntulu' Bileam nampa Napauang apa mustia napau, nampa Nasuro ammotere' mange ri Balak untu' ampabattui anjo pasanNa Batara.

PAMMILANGNGANG 23:4

nampa anjoreng nia'mi Allata'ala battu mae ri ia. Nakanamo Bileam mae ri Allata'ala, “Le'bakka' ambangung tuju tampa' pakkoro'bangngang siagang assare sikayu sapi laki kammayatompa sikayu gimbala' laki irate ri massing anjo tampa' pakkoro'bangnganga.”

PAMMILANGNGANG 23:6

Ammotere'mi Bileam siagang narapikammi Balak nia' ija ammenteng ri ampi'na koro'bang nitununa, siagang sikamma pamimpinna tu Moab.

LUKAS 12:12

Nasaba' punna narapi'mo wattunnu la'bicara, laniajara' mako ri RohNa Allata'ala apa siratanga nupau.”

YOHANES 11:51

Sikontutojenna, teai battu ri pikkirang kalenna nakkana kamma anjo Kayafas. Mingka salaku imang lompo anjo taunga napabattu la'bi riolomi angkanaya lamatei Isa untu' bansa Yahudia.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.