PAMMILANGNGANG 23:24 - KITTA' MATANGKASA'

²⁴ Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

PAMMILANGNGANG 23:24 ပူးပေါင်းရင်းမြစ်များ

PA'JARIANG 49:27

Benyamin, iami rapang serigala sekke'. Anjakkalaki kanrena ri bari'basa'na. Ri bangngina nabage-bagei.”

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

1 KARAENG-KARAENG 10:20

Ri massing cappa' kairina siagang cappa' kananna anjo baringang tukaka nia' patung singa – yangasenna nia' sampulo anrua jaina. Tenanniakka nale'ba' nia' empoang karaeng kammaya anjo manna pole na ri kakaraengang kemae.

2 PATTOTTORANG 9:18

Anjo kaderaya nia' panna'gallanna siagang appimbali sa'rinna nia' patung singa. Anjo kaderaya ammakei annang baringang siagang se're pattuppuang bangkeng nilapisika bulaeng. Anjo pattuppuang bangkenga assisambungi siagang kaderaya.

PAMMUJI 17:12

Sanrapangi singa ke'nanga eroka angkokkoki musunna singa rungka angngadanga ri tampa' taccokkoa.

PANGNGEBARANG 30:30

Singa, olo'-olo' kaminang kassaka ri sikontu olo'-oloka siagang tenaya namalla' manna ri apa-apa mamo;

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

NAHUM 2:11

Kemae anjo kotaya kamma-kamma anne? Kota sanrapanga leang pammantangngang singa a'ru'mung? Tampa'na nisare kanre ana'-ana' singaya, tampa' natujua singa lakia siagang singa ganaya tampa' amanga untu' ana'-ana'na?

NAHUM 2:12

Riolo anjoreng singaya najakkala' apa lanakanrea, nampa nabage-bage dagenna mae ri singa ganaya siagang ana'na. Napirassi leanna siagang toppa'-toppa' dageng wassele' nagappaya naondang.

ZAKHARIA 12:6

Anjo alloa sikamma kaluarga Yehuda laKupa'jari rapang pepe' lalang ri pa'gompoang kayu tunua yareka sulo a'rinraya irawanganna gandung-gandung nikawarranga; lanaancuruki ke'nanga sikamma bansa-bansa niaka ri tammulilina. Mingka pandudu'na Yerusalem tuli ammantangi lalang ri kotaya siagang amang.

PAMMILANGNGANG 23:25

Nampa nakanamo Balak mae ri Bileam, “Sikamma monjo, punna taerokako antunrai bansa Israel; mingka tea sikali-kaliko barakkaki ke'nanga!”

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

PAOLE 33:20

Ri sesena suku Gad nakana: “Nipujimi Allata'ala le'baka assarei Gad butta luaraka untu' napammantangngi. Attayangi Gad rapang sikayu singa eroka angkakkaraki salanggaya siagang ulua.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”