PAMMILANGNGANG 23:19 - KITTA' MATANGKASA'

¹⁹ Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

PAMMILANGNGANG 23:19 ပူးပေါင်းရင်းမြစ်များ

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

1 KARAENG-KARAENG 14:11

Ia anggota kaluarganu matea ri kotaya lanikanrei ri kongkong, siagang ia matea ri pantarang kotaya lanikanrei ri jangang-jangang. U'rangi, iNakkemi Batara anne a'bicara!’ ”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

1 PATTOTTORANG 17:17

Ba'lalo nala'biangampa pole anjo apa Kigaukanga; le'ba'maKi' a'janji ri passala'na turungangku sallang labattua. Ba'lalo Kipa'jarima' se're tau malompo.

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

PAMMUJI 77:9

Maka ammarimi angkamaseangi ikambe? Tenamoka Narupai pole janjinNa?

PAMMUJI 89:34

Mingka tuli laKukamaseanna Daud, talaKukaluppaiyai nyawa tamamminraKu.

PAMMUJI 89:35

Tena Kukaluppai parjanjiangKu siagang ke'nanga, manna se're janjingKu talania' Kukaluppai.

YESAYA 21:17

Sikamma tau papanana Kedar sangnging tau barani. Mingka sike'de'ji battu ri ke'nanga lasalama'. INakke, Karaeng, Allata'alana Israel, anne le'ba' akkana.”

YESAYA 31:2

Cara'deki Batara siagang Naassengi apa Nagaukanga. Appabattui bala siagang angngancangi laNahukkung tau ja'dalaka siagang tau antulungai anjo tau ja'dalaka.

YESAYA 40:8

Rukuka a'jari kalotoro', bungaya a'jari kalumeng, mingka kananNa Allata'alata attahangi satunggu-tungguna.”

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

DANIEL 4:28

Yangasenna anjo kammaya kajariangi mae ri kalengku, inakke, Karaeng Nebukadnezar.

HOSEA 11:9

Tena nalaKuhukkungko lalang larroKu; tenamo nalaKuancurukko pole. Nasaba' iNakke Allata'ala, tena Kusangkamma rupataua. INakke, Matangkasaka, anrurungangko, siagang taerokaMa' larro mae ri kau.”

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

PAMMILANGNGANG 14:35

AssumpA' angkanaya laKugaukangi anjo passalaka mae ri kau tau ja'dalaka, assikongkoloka untu' angngewA'. Lamate ngasengko anrinni ri parang lompoa. INakke, Batara, le'ba' angkanangi anne.’ ”

PAMMILANGNGANG 23:18

nampa napaumo Bileam anne boto kammaya, “He, Balak, ana'na Zipor, battu mako mae, pilangngeri apa eroka kupau.

LUKAS 21:33

Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”

ROMA 11:29

Nasaba' punna Napilei Allata'ala anjo taua siagang Nabarakkaki, tale'bakai Nabeso' ammotere' anjo apa le'baka Nagaukang.

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

YOSUA 21:45

Narupai sikamma janjinNa Batara mae ri umma' Israel; tena manna se're taNarupai.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”

1 SAMUEL 3:12

Anjo wattua laKugaukammi sikontu apa le'baka Kupau laKugaukang mae ri kaluargana Eli battu ri uru-urua sa'genna kala'busang.