PAMMILANGNGANG 23:14 - KITTA' MATANGKASA'

¹⁴ Jari nierammi Bileam ri Balak mange ri parang Zofim, ri coppo'na Moncong Pisga. Anjoreng appaenteng tommi tuju tampa' pakkoro'bangngang siagang assare tommi sikayu sapi laki siagang sikayu gimbala' laki irate ri anjo massing tampa' pakkoro'bangnganga.

PAMMILANGNGANG 23:14 ပူးပေါင်းရင်းမြစ်များ

YESAYA 46:6

Nasungkei taua tasna nampa natumpa bulaenna, nampa natimbang pera'na siagang batu dacing. Nagaji tukang bulaenga untu' appare' patung barhala, nampa nasomba anjo patung bate pare'na.

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

PAMMILANGNGANG 21:20

nampa mange ri ka'bunga ri daerana tu Moab, irawanganna coppo'na Moncong Pisga a'dalle' mangea ri parang lompoa.

PAMMILANGNGANG 23:13

Nampa nakana Balak ri Bileam, “Umba ki'lampa siagang mange ri tampa' maraenga; battu anjoreng akkullei nucini' poro sipa'gang bawang bansa Israelka. Tunrami ke'nanga battu anjoreng.”

PAMMILANGNGANG 23:15

Nakanamo Bileam ri Balak, “Ammantang mako anrinni ri ampi'na tampa' koro'banna karaengku, nampa ku'lampa assibuntulu' siagang Batara anjoreng.”

PAMMILANGNGANG 23:29

Nakanamo Bileam mae ri Balak, “Appaentengko tuju tampa' pakkoro'bangngang ri anne tampaka siagang appasadiako anrinni tuju kayu sapi laki siagang tuju kayu gimbala' laki.”

PAOLE 3:27

A'lampa mako mange ri Moncong Pisga siagang accini' mako wara' siagang timboro', anrai' siagang kalau'. Parhatikangi baji'-baji' anjo apa nucinika, nasaba' ikau tena nalanulimbang Binanga Yordan.

PAOLE 34:1

Nampa a'lampamo Musa ambokoi lappara'na Moab siagang angngambi' ri Moncong Nebo, ri coppo'na Pisga irayanganna Yerikho. Anjoreng Napappicinikammi Batara mae ri ia sikontu anjo pa'rasanganga, iamintu: Daera Gilead sa'genna wara' ri kota Dan;

PAOLE 4:49

siagang sikontu daera irayanganna Binanga Yordan timboro' sa'genna Tamparang Matea ri bangkenna Moncong Pisga.