PAMMILANGNGANG 22:8 - KITTA' MATANGKASA'

⁸ Nakanamo Bileam ri ke'nanga, “A'bangngi ngaseng mako anrinni. Ammuko lakusareko kabara' angkana apa Nakana Batara mae ri nakke.” Jari a'bangngimi anjo sikamma pamimpinga ri tampa'na Bileam.

PAMMILANGNGANG 22:8 ပူးပေါင်းရင်းမြစ်များ

1 KARAENG-KARAENG 13:8

Appialimi anjo na'bia angkana, “Manna pole nasarea' karaenga tawaruanna kakalumanynyangnganna karaenga, tena nakulamminawang untu' mange angnganre yareka angnginung siagang karaenga.

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PAMMILANGNGANG 22:18

Mingka appiali Bileam angkana, “Manna pole nasikontu peraka siagang bulaenga ia niaka lalang ri balla' kakaraenganna Karaeng Balak napabayara' mae ri nakke, talaerokka' andakkai parentaNa Batara, Allata'ala kusombaya. Manna sike'de' dudu taerokka' angngewai Allata'ala.

PAMMILANGNGANG 22:38

Appialimi Bileam angkana, “Kamma-kamma anne nia'ma' battu. Mingka tena hakku la'bicara apa-apa pantaranganna punna Nasuroa' Allata'ala ampaui.”

PAMMILANGNGANG 22:7

Jari a'lampami sikamma pamimpinna tu Moab siagang tu Midian angngerang passare untu' lanapassareang mae ri Bileam, sollanna ero' antunrai tu Israel. Battuna ke'nanga mange ri Bileam, napabattumi ke'nanga mae ri ia anjo pasanna Karaeng Balak.

PAMMILANGNGANG 22:9

Battumi Allata'ala akkuta'nang ri Bileam Angkana, “Inai anjo tau niaka ammantang ri balla'nu Bileam?”

PAMMILANGNGANG 23:12

Appialimi Bileam angkana, “Inakke iaji bawang akkulle kupau apa Nasuro paua Batara.”

PAMMILANGNGANG 23:3

Nampa nakana Bileam mae ri Balak, “Ammenteng maki' ri ampi'na koro'bang nitununa karaengku. Lalang kammana anjo a'lampa' mange anciniki apaka ero'ji Batara angngaganga' sibuntulu' yareka tena. Sallang lakupaui mae ri kau sikontu apa Napaua Batara mae ri nakke.” Jari a'lampami Bileam kale-kalenna mange ri coppo'na se'reang bulu',

PAMMILANGNGANG 24:13

manna pole kisareang ngasenga' sikontu peraka siagang bulaeng niaka lalang ri balla' kakaraenganta, talakkullei kudakkai parentaNa Batara siagang anggaukangi apa nangaia pa'maikku? Iaji bawang lakupau apa Nasuro paua Batara ri nakke.”