PAMMILANGNGANG 22:6 - KITTA' MATANGKASA'

⁶ La'bi kassakangngangi ke'nanga na ikambe. Jari battu sako mae! Tunraimi anjo ke'nanga untu' inakke. Gassingka akkulleji ikambe ambetai ke'nanga siagang ambongkai ke'nanga battu anrinni ri pa'rasanganga. Nasaba' tappaka' angkanaya inai-nai tau nubarakkaki, langgappai barakka', siagang inai-nai nutunrai langgappai bala.”

PAMMILANGNGANG 22:6 ပူးပေါင်းရင်းမြစ်များ

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

1 KARAENG-KARAENG 22:13

Lalanna anjo wattua nakanamo anjo tunisuroa mange ambuntuli Mikha, “Sikontu na'bi maraenga natappui pammetanna karaenga. Maka baji' tonji tapputa sangkamma natappua ke'nanga bapa'?”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

1 KARAENG-KARAENG 22:8

Appialimi Ahab angkana, “Nia' ija se're, Mikha ana'na Yimla. Mingka birisika' ri ia, nasaba' tena le'bakai natappuanga' apa-apa baji'; tuli apa kodia.” Appialimi Yosafat angkana, “Teako akkana kammai!”

NEHEMIA 13:2

nasaba' ri wattunna Israel lalang pa'jappang assulu' battu ri Mesir, anne ruaya bansa taerokai assare kanre siagang je'ne' ri anjo bansaya. Ba'lalo nagajimi ke'nanga Bileam untu' antunrai bansa Israel, mingka Allata'alata napinrai anjo pattunraya a'jari barakka'.’

PAMMUJI 109:28

Manna pole natunraia' ke'nanga, poro iKatte ambarakkakia'. Manna pole ambangung ke'nanga, lanipakasiriki ke'nanga; mingka poro inakke, atanTa, Kipakarannua'.

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 22:17

Lakusareko passare jai sikali, siagang manna apa nukana tena takuturukinna. Battu mako mae, siagang tunraimi anjo bansaya untu' inakke.”

PAMMILANGNGANG 23:13

Nampa nakana Balak ri Bileam, “Umba ki'lampa siagang mange ri tampa' maraenga; battu anjoreng akkullei nucini' poro sipa'gang bawang bansa Israelka. Tunrami ke'nanga battu anjoreng.”

PAMMILANGNGANG 23:27

Nakana Balak, “Umba ki'lampa mange ri tampa' maraenga. Inai angngassengi gassingka napa'biang jako Allata'ala antunrai bansa Israel untu' inakke ri anjo tampaka.”

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

LAMPA-LAMPANA 16:16

Ri se'reang allo a'lampa maki' mange ri tampa' passambayanganga. Ri tangngana aganga assibuntulu' maki' sitau baine ata. Anjo bainea nisosoki ri setang, sa'genna akkullei natappu la'bi riolo apa lakajarianga sallang. Lanri akkullena natappu dalle'na taua, jai sikalimi doe' napanggappangi pingga'-pinggawana anjo bainea.

PAOLE 23:4

lanri tena naero' ke'nanga assareko kanre siagang je'ne' inung lalang pa'jappannu assulu' battu ri Mesir. Ba'lalo nagaji ke'nanga Bileam, ana'na Beor battu ri kota Petor ri Mesopotamia, untu' antunraiko.

YOSUA 24:9

Nampa karaeng Moab, iamintu Balak ana'na Zipor angngewako. Nasuroi taua a'lampa mange ri Bileam ana'na Beor na napala' ri ia sollanna natunraiko.

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.