PAMMILANGNGANG 22:31 - KITTA' MATANGKASA'

³¹ Nampa Napa'jarimo Batara akkulle Bileam anciniki anjo malaeka'Na Batara niaka ammenteng anjoreng anna'gala' pa'dang ta'bi'bu'. Su'ju'mi linta' Bileam naung ri buttaya nampa anynyomba.

PAMMILANGNGANG 22:31 ပူးပေါင်းရင်းမြစ်များ

PA'JARIANG 21:19

Nanipakasingara'mo paccini'na Hagar ri Allata'ala, sa'genna accini'mo se're bungung. Nampa a'lampamo mange ambonei je'ne' anjo pammoneang je'ne'na, nampa nasare angnginung anjo ana'na.

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

PAMMUJI 9:20

Ammenteng maKi', o, Batara, adelimi bansa-bansaya, teaKi' lappassangi taua ampakaborroi kalenna.

KALAPPASSANG 34:8

Anjo wattua su'ju' memammi Musa anynyomba.

PAMMILANGNGANG 22:30

Appialimi anjo keledaia angkana, “Sai anne inakke keledaita' salloamo tuli kibae? Apaka le'bakka' tamappilangngeria ri katte?” Appialimi Bileam angkana, “Tena”.

PAMMILANGNGANG 24:16

le'baka allangngereki kana-kananNa Allata'ala, siagang akkullea angngassengi Kaminang Tinggia; ancinikai Napa'nyata KalenNa Kaminang Koasaya lalang anra'bana mingka tassungkei matanna.

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

LUKAS 24:16

Nacini'ji ke'nanga Isa, mingka kamma nia' apa are anrompai ke'nanga, sa'genna tanarupaya ke'nanga Isa.

LUKAS 24:31

Nampami naasseng ke'nanga angkanaya Isa padeng anjo. Mingka ti'ring lanynya'mi Isa ri paccini'na ke'nanga.

YOHANES 18:6

Ri wattunna Nakana Isa ri ke'nanga, angkana, “INakkemi anne,” ammono'boko ngasemmi ke'nanga, nampa tu'guru' naung ri buttaya.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

YOSUA 5:13

Ri se'reang wattu niaki Yosua ri ampi'na Yerikho. Ti'ring nia'mo nacini' sitau bura'ne ammenteng ri dallekanna angngerang pa'dang ta'bi'bu'. Nareppesimi Yosua anjo taua nampa akkuta'nang angkana, “Ikau anne agangko, yareka baliko?”

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”