PAMMILANGNGANG 22:19 - KITTA' MATANGKASA'

¹⁹ Mingka baji'mi punna a'bangngi ngasengko anrinni sangkamma nagaukanga sikamma tunisuro rioloa. Eroki kuasseng angkanaya apaka nia' ija ero' Napau Batara mae ri nakke.”

PAMMILANGNGANG 22:19 ပူးပေါင်းရင်းမြစ်များ

PAMMILANGNGANG 22:18

Mingka appiali Bileam angkana, “Manna pole nasikontu peraka siagang bulaenga ia niaka lalang ri balla' kakaraenganna Karaeng Balak napabayara' mae ri nakke, talaerokka' andakkai parentaNa Batara, Allata'ala kusombaya. Manna sike'de' dudu taerokka' angngewai Allata'ala.

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

2 PETRUS 2:15

Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.