PAMMILANGNGANG 21:8 - KITTA' MATANGKASA'

⁸ Nampa nisuro Musa ri Batara appare' sikayu ulara' battu ri tambaga siagang naboli' irate ri se'reang benteng. Inai-nai tau nitotto' ri ulara', lammollei punna naciniki anjo ulara' tambagaya.

PAMMILANGNGANG 21:8 ပူးပေါင်းရင်းမြစ်များ

2 KARAENG-KARAENG 18:4

Naputtai tampa'-tampa' panynyombanga mae ri rewataya, siagang naruntungi tembo'-tembo' siagang patung-patung Dewi Asyera. Naancuru' tongi ulara' tambagaya bate pare'na Musa niarenga Nehustan. Nasaba', sa'genna anjo wattua tuli attunu iji dupa tu Israel untu' ampakalompoi anjo ulara' tambagaya.

PAMMUJI 145:8

Anjo Batara mangngamaseangi siagang mangngarimangngi, tena nalinta' larro siagang tuli mangngamaseangi.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YOHANES 3:14

Antekamma batena napanai' Na'bi Musa ulara' tambagaya ri sipolong kayu, wattunna nia' ri parang lompoa, sangkamma tomminjo batena lanipanai' Ana' Ma'rupataua;