PAMMILANGNGANG 21:27 - KITTA' MATANGKASA'

²⁷ Iaminjo saba'na nania' tau annulisi' kana-kana kamma anne, “Battu mako mae ri Hesybon, ri kotana Karaeng Sihon. Eroki ikambe anciniki anne kotaya nibangung siagang nibajiki ammotere'.

PAMMILANGNGANG 21:27 ပူးပေါင်းရင်းမြစ်များ

NEHEMIA 7:1

Le'baki anjo tembo' kallika nibangung, kusuromi sollanna nipataba sikontu papang pakke'bu'na pakke'buka. Nampa kusuro sikamma pajaga pakke'bu' lompoa, sikamma pakelonga siagang sikamma tu Lewia massing anggaukangi tugasa'na ke'nanga.

YESAYA 14:4

Punna Nagaukammo Batara anjo kammaya, lanacau-caumi ke'nanga karaeng Babel, angkana, “Tu'guru'mi karaeng pallaka! Takkulleami anjallakkang.

HABAKUK 2:6

Mingka sikontu anjo nabetaya ampianderi siagang ancau-caui. Lanakana ke'nanga, “Nitunraiko nasaba' appatambungko barang-barang nateai ikau pata! Siapapi sallonu ampakkalumanynyangi kalennu lanri nupassana tau niaka inranna mae ri kau ambayaraki inranna ke'nanga?”

PAMMILANGNGANG 21:14

Iaminjo saba'na nania' tattulisi' lalang ri ‘Kitta' Pa'bundukanna Batara’ angkanaya: “… Desa Waheb, ri daera Sufa siagang ka'bung-ka'bunna; Binanga Arnon

PAMMILANGNGANG 21:26

Anjo Hesybon iami ibukotana Karaeng Sihon. Le'baki a'bundu' siagang karaeng Moab nampa naalle daerana sa'genna mange ri Binanga Arnon bellana.

PAMMILANGNGANG 21:28

Nia' se're wattu nabattu ri anne kotaya namaju pasukanna Sihon sanrapang pepe'. Angngancuruki kota Ar ri Moab, siagang angkoasai bulu'-bulu' niaka ri Arnon.