PAMMILANGNGANG 21:24 - KITTA' MATANGKASA'

²⁴ Mingka jai tu Amori nibuno ri tu Israel lalang ri anjo pa'bundukanga. Nampa niempoimo ri tu Israel daerana ke'nanga appakkaramula battu ri Binanga Arnon sa'genna mange ri Binanga Yabok, iamintu pa'baeng-baenna daera Amon, nasaba' anjo pa'baeng-baenga sanna' kassa'na pattahanganna.

PAMMILANGNGANG 21:24 ပူးပေါင်းရင်းမြစ်များ

PA'JARIANG 32:22

Ia todong anjo bangngia ambangummi Yakub nampa naerang anjo ruaya bainenna, ruaya baine piarana siagang sampulo asse're ana'na, a'limbang ri Binanga Yabok.

NEHEMIA 9:22

Kisarei ke'nanga pammetang mae ri jaia kakaraengang siagang bansa ri pa'baeng-baeng pa'rasanganna ke'nanga. Hesybon, pa'rasanganna Karaeng Sihon, naempoimi ke'nanga; Basan, pa'rasanganna Karaeng Og, natampakkimi ke'nanga.

PAMMUJI 136:19

Sihon, karaeng Amori; pangngamaseanNa sa'genna satunggu-tungguna;

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAMMILANGNGANG 21:13

Battu anjoreng a'lampami pole ke'nanga nampa akkema ri ba'leanna Binanga Arnon, ri parang lompo niaka ri daera Amori. Iaminjo Binanga Arnon a'jari pa'baeng-baenna daera Moab siagang daerana tu Amori.

PAOLE 1:4

Anjo kajariangi ri le'ba'namo Musa ambetai Sihon, iamintu karaeng Amori, ammarentaya ri kota Hesybon; kammayatompa le'ba' tommi nabeta Og, karaeng Basan, ammarentaya ri kota-kota Asytarot siagang Edrei.

PAOLE 29:7

Siagang ri wattunta battu mae anrinni, battui Karaeng Sihon battu ri Hesybon siagang Karaeng Og battu ri Basan untu' ambundukiki'. Mingka nibetai anjo ke'nanga.

PAOLE 3:16

Nampa mae ri suku-suku Ruben siagang Gad kupassareangi daera niaka ri alla'na Gilead siagang Binanga Arnon. Tangnga-tangngana anjo binangaya a'jari pa'baeng-baenna ke'nanga ri bageang timboro', nampa ri bageang wara' a'baeng-baengi ke'nanga siagang Binanga Yabok.

PAOLE 31:4

LaNapanraki Batara anjo bansa-bansaya, sangkamma Nabetana Sihon siagang Og, karaeng Amori siagang naancuru' pa'rasanganna ke'nanga.

YOSUA 13:12

Daerana ke'nanga antama tongi daera kakoasanna Karaeng Og, karaeng kala'busanna tu Refaim, ammarentaya ri Asytarot siagang Edrei. Le'ba'mi nabeta Musa anjo bansa-bansaya siagang nabongka ke'nanga assulu' battu ri daerana ke'nanga.

YOSUA 24:8

Nampa Kuerangko mange ri pa'rasangang tu Amori, niaka ammantang irayanganna Binanga Yordan. Nabundukiko ke'nanga, mingka iNakke ansareko pammetang mae ri ke'nanga. Nuallei pa'rasanganna ke'nanga, siagang iNakke angngancuruki ke'nanga.

YOSUA 9:10

siagang apa Nagaukanga mae ri anjo ruaya karaeng Amori irayanganna Yordan, iamintu Karaeng Sihon ri Hesybon siagang Karaeng Og ri Basan ammantanga ri Asytarot.

HAKING-HAKING 10:11

Appialimi Batara angkana, “Riolo nijajako ri bansa Mesir, Amori, Amon, Filistin, Sidon, Amalek siagang bansa Maon. Nampa anjo wattua akkio'mako mae ri Nakke appala' tulung. U'rangi sai, apa tena Kulappassangko battu ri kakoasanna ke'nanga?

HAKING-HAKING 11:13

Appialimi karaenna bansa Amon mae ri sikamma tunisuroa angkana, “Ri wattunna nia' umma' Israel battu ri Mesir, naallei ke'nanga buttana ikambe, appakkaramula battu ri Binanga Arnon sa'genna mange ri Binanga Yabok siagang Binanga Yordan. Kamma-kamma anne poterang ngasemmi anjo siagang baji'.”

HAKING-HAKING 21:8

Jari nasalidikimi ke'nanga apaka nia' se're golongang battu ri suku bansana Israel tena na'lampa asse're ri Mizpa. Na nagappamo ke'nanga angkanaya battu ri tu Yabesh ri Gilead, tena manna sitau a'lampa mange ri Mizpa.