PAMMILANGNGANG 21:16 - KITTA' MATANGKASA'

¹⁶ Battu anjoreng a'lampami ke'nanga mange ri tampa' niarenga Beer, battuanna bungung-bungung. Anjoreng le'baki angkana Batara mae ri Musa, “Suroi ummaka asse're; laKusarei je'ne' inung ke'nanga.”

PAMMILANGNGANG 21:16 ပူးပေါင်းရင်းမြစ်များ

PA'JARIANG 21:19

Nanipakasingara'mo paccini'na Hagar ri Allata'ala, sa'genna accini'mo se're bungung. Nampa a'lampamo mange ambonei je'ne' anjo pammoneang je'ne'na, nampa nasare angnginung anjo ana'na.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

YESAYA 12:3

Rapang je'ne' dinging ampakarannui tau turerea, kammaminjo batenu larannu, lanri Nipasalamakko ri Allata'ala.”

YESAYA 15:8

Kemae-kemae ri pa'baeng-baenna Moab nia' kalangngerang sa'ra tau ammarrang. Piraunga kalangngerangi ri Eglaim siagang Beer-Elim.

YESAYA 43:20

Lanapakala'birikKa' olo'-olo' liaraka; lamammuji ri Nakke serigalaya siagang jangang-jangang untaya lanri Kupasolongi je'neka ri parang lompoa, siagang binanga-binangaya ri parang luaraka untu' assarei je'ne' ummakKu Kupilea.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

YOHANES 4:10

Appialimi Isa Nakana, “Ka'de' nanuasseng passareNa Allata'ala, siagang nanuasseng todong angkana inai appalaka je'ne' ri kau, mattantu ikau kalennu lappala' je'ne ri Ia, na Nasareko je'ne' katallassanga.”

YOHANES 4:14

Mingka inai-nai angnginungi je'ne' Kupassareanga, tenamo nalaturere sa'genna satunggu-tungguna. Nasaba' anjo je'ne' laKupassareanga la'jarimi timbuseng je'ne' lalang ri kalenna, tassolonga assulu' na napassareang katallassang satunggu-tunggua.”

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

HAKING-HAKING 9:21

Le'baki anjo larimi Yotam, nampa mange ammantang ri Beer, lanri malla'na ri Abimelekh, anjo sari'battanna.