PAMMILANGNGANG 20:5 - KITTA' MATANGKASA'

⁵ Apa ero'nu nanuerang ikambe assulu' battu ri butta Mesir mae anrinni ri tampa' sessa kammaya, tenaya nakkulle nipa'lamungi apa-apa? Anrinni tena gandung, tena poko' ara, anggoro', siagang delima. Ba'lalo manna je'ne' inung tena todong!”

PAMMILANGNGANG 20:5 ပူးပေါင်းရင်းမြစ်များ

NEHEMIA 9:21

Patampulo taung sallona ri parang lompoa, Kipa'gannaki sikamma kaparalluanna ke'nanga. Pakeanna ke'nanga tale'bakai panra'; bangkenna ke'nanga tapa'risai yareka takkambangai.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEHEZKIEL 20:36

sangkamma le'baka Kugaukang mae ri boe-boenu ri parang lompona Sinai. INakke, Batara Kaminang Tinggia, anne akkana.

PAMMILANGNGANG 16:14

Sikontutojenna tena nanuerangi ikambe mange ri butta copponga yareka tena nanusarei ikambe koko siagang koko anggoro' untu' pisaka mae ri kambe! Kamma-kamma anne erokko antipui ikambe! Tena! Tena naero' ikambe battu mae ri kau!”

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

PAMMILANGNGANG 27:14

nasaba' ri parang lompo Zin le'bakko sipa'rua angngewai parentaKu. Ri wattunna a'moro-moro sikontu ra'yaka mae ri Nakke ri Meriba, tena nanupa'nyatai kakoasangKu ri dallekanna ke'nanga ri passala'na anjo je'neka.” (Anjo passalaka anjorengi kajariang ri timbuseng je'ne' Meriba, ri Kades, ri parang lompo Zin.)

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.