PAMMILANGNGANG 20:29 - KITTA' MATANGKASA'

²⁹ Nalangngere'mi sikontu ummaka angkanaya matemi Harun; napangngalleammi wattu kasusaang ke'nanga lalang tallumpulo allo.

PAMMILANGNGANG 20:29 ပူးပေါင်းရင်းမြစ်များ

PA'JARIANG 1:10

Naaremmi Allata'ala anjo buttaya “Bonto”, naanjo je'ne' asse'rea “Tamparang”. Nasannammo nyawaNa Allata'ala anciniki anjo passalaka.

PA'JARIANG 1:5

nampa Naareng anjo singaraka “Singara'” na anjo sassanga “Bangngi”. Allalomi bangngia, battumi bari'basaka. Iaminjo allo makase'rea.

PA'JARIANG 23:2

matemi ri Hebron ri butta Kanaan. Si'na sikalimi pa'mai'na Abraham siagang nakarrukimi anjo kamateanna bainenna.

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

PA'JARIANG 50:3

Patampulo alloi sallona jama-jamanga. Sikamma minjo sallona biasaya napake taua untu' ansarei rampa-rampa mayaka. Susa ngaseng tommi tu Mesirka untu' kamateanna Yakub, iamintu tuju allo sallona.

LAMPA-LAMPANA 8:2

Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.

PAOLE 34:8

Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.