PAMMILANGNGANG 20:20 - KITTA' MATANGKASA'

²⁰ Nakanamo pole anjo tu Edom, “Tena nakkulle!” Nampa assulu'mo ke'nanga siagang tantara kassa'na untu' ambunduki tu Israel.

PAMMILANGNGANG 20:20 ပူးပေါင်းရင်းမြစ်များ

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”

PAMMUJI 120:7

Punna kubicara passala'na passiamakkanga, pa'bundukang nakaeroki ke'nanga.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

PAMMILANGNGANG 20:18

Mingka appialimi tu Edom angkana, “Tena nukkulle nipa'biang ammalo ri daerana ikambe. Punna kamma ero'nu lanumalo, tena tanibundukinu ri kambe!”

PAMMILANGNGANG 20:21

Jari a'gilimmi tu Israel untu' a'boya oloang maraeng lanri tenana nipa'biangi ri tu Edom numalo ri daerana ke'nanga.

HAKING-HAKING 11:17

Nampa assuro ke'nanga mange ri karaeng Edom untu' appala' paramisi allalo ri pa'rasanganna. Mingka tanapa'biangi ke'nanga. Nampa kamma todong anjo papala'na mae ri karaeng Moab, mingka tena todong nanipa'biangi. Sa'genna ammantammo tu Israel ri Kades.

HAKING-HAKING 11:20

Mingka tena nikellai ri Sihon lanri tena natappa' angkana poro laallalonaja bawang ke'nanga. Ba'lalo napaturungi sikontu tantarana mange angngalle tampa' ri Yahas, nampa nabunduki umma' Israel.