PAMMILANGNGANG 20:18 - KITTA' MATANGKASA'

¹⁸ Mingka appialimi tu Edom angkana, “Tena nukkulle nipa'biang ammalo ri daerana ikambe. Punna kamma ero'nu lanumalo, tena tanibundukinu ri kambe!”

PAMMILANGNGANG 20:18 ပူးပေါင်းရင်းမြစ်များ

PAMMILANGNGANG 20:19

Nakanamo anjo tu Israelka, “Anjorenji ri agang lompoa la'jappa ikambe; na punna nia' ri kambe yareka olo'-olo'na ikambe angnginungi je'ne'nu, nabayarappi kambe. Poro ero'ji bawang ammalo ikambe.”

PAMMILANGNGANG 20:20

Nakanamo pole anjo tu Edom, “Tena nakkulle!” Nampa assulu'mo ke'nanga siagang tantara kassa'na untu' ambunduki tu Israel.

PAMMILANGNGANG 21:23

Mingka tena nanipa'biangi ke'nanga ri Karaeng Sihon ammalo ri pa'rasanganna. Napasse'rei pasukanna nampa a'lampa mange ri Yahas ri parang lompoa nampa nabunduki tu Israel anjoreng.

PAMMILANGNGANG 21:4

Nampa nabokoi tu Israel anjo Moncong Hor, nampa angngalle oloang mange ri biring Tamparang Akaba, untu' angnginroi daera Edom. Mingka ri tangngana aganga, kala'busang kasa'barrami ke'nanga,

PAMMILANGNGANG 24:18

Laniempoi butta Edom ri musunna, mingka tu Israel lanagaukang gau' malompoa.

PAOLE 2:29

sa'genna ammolongang ikambe ri Binanga Yordan untu' antama' ri pa'rasangang Napassareanga Karaeng Allata'alana ikambe mae ri kambe. Jari-jarina Esau iamintu ammantanga ri Edom siagang tu Moab ammantanga ri Ar, le'ba'mi nasare ising ikambe ammalo ri daerana ke'nanga.’