PAMMILANGNGANG 20:15 - KITTA' MATANGKASA'

¹⁵ Boe-boena ikambe a'lampai mange ri Mesir nampa ammantang anjoreng attaung-taung sallona. Nampa anjo boe-boena ikambe siagang kalenna ikambe nigau' tabaji'-baji' maki' ri bansa Mesir,

PAMMILANGNGANG 20:15 ပူးပေါင်းရင်းမြစ်များ

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

PA'JARIANG 46:6

Naerang tommi ke'nanga sikamma olo'-olo'na siagang sikontu pa'barang-barangngang nagappaya ke'nanga ri Kanaan, nampa a'lampa mange ri Mesir. Naerang ngasemmi Yakub sikontu turunganna,

PA'JARIANG 46:7

sikontu ana' cucunna bura'ne siagang baine.

2 SAMUEL 12:18

Sidaminggu ribokoanganna matemi anjo anaka, siagang malla'mi sikamma ata-atanna Daud ampauangi. Nakana ke'nanga, “Ilalang tallasa'na ija anjo anaka, taerokai karaenga ampilangngeri punna a'bicaraki' mae ri ia. La'biangampa kamma-kamma anne lalang matenamo ana' bura'nena! Gassingka lingui nampa napa'risi kalenna!”

KALAPPASSANG 1:16

Nakana Karaeng Mesir, “Punna nutulung tubaine Ibrania ammana', u'rangi anne: Punna ana' bura'ne anjo nalassukanga, bunoi! Punna baine anjo nalassukanga, lappassammi attallasa'.”

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 12:40

Nia'mo 430 taung sallona ammantang bansa Israel ri Mesir.

KALAPPASSANG 5:14

Anjo sikamma mandoro' tu Israel nisuroa anjagai anjo jama-jamanga niba'jimi ri sikamma pajagaya. Akkuta'nangi ke'nanga angkana, “Angngapa natenamo nasangkamma jaina riolo anjo batu bata napareka bansanu?”

PAMMILANGNGANG 11:5

Niu'rangi juku' nikanre bawang-bawanga ri Mesir, kammayatompa bonteka, boyo', perei, lasuna eja siagang lasuna kebo'.

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 20:14

Nampa akkirimmo Musa siapa are tunisuro battu ri Kades untu' mange andallekang ri karaeng Edom. Angkanami ke'nanga, “Ikambe anne tubattuki' ri suku-suku Israel niaka ija passisambungang bijanna siagang ikatte karaeng. Kiassenji kapang kasusaang antujuai ikambe karaeng.

PAMMILANGNGANG 20:16

sa'genna akkio' ikambe appala' tulung ri Batara. Nalangngere'mi Batara pakkio'na ikambe nampa nia'mo se're malaeka' Nasuro battu. Anjo malaekaka ampimpingi ikambe assulu' battu ri butta Mesir. Kamma-kamma anne niaki ikambe ri Kades, se'reang kota ri pa'baeng-baenna daerana karaengku.

LAMPA-LAMPANA 7:15

A'lette'mi Yakub mae ri Mesir. Nanjoremmo mate siagang boe-boeta.

LAMPA-LAMPANA 7:19

Anjo karaenga napare' karek-karenammi bansata, siagang sanna'mi nakapallakkina boe-boeta. Napassami boe-boeta ampelaki ana'-ana' lolona punna lassu' sollanna nibawang-bawangngang na mate anjo ana' loloa.

PAOLE 26:6

Sekke' sikalimi panggaukanna tu Mesir mae ri kambe, siagang napassami ikambe anjama sangkamma ata.