PAMMILANGNGANG 20:14 - KITTA' MATANGKASA'

¹⁴ Nampa akkirimmo Musa siapa are tunisuro battu ri Kades untu' mange andallekang ri karaeng Edom. Angkanami ke'nanga, “Ikambe anne tubattuki' ri suku-suku Israel niaka ija passisambungang bijanna siagang ikatte karaeng. Kiassenji kapang kasusaang antujuai ikambe karaeng.

PAMMILANGNGANG 20:14 ပူးပေါင်းရင်းမြစ်များ

PA'JARIANG 25:23

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

PA'JARIANG 25:25

Ia toaya eja-ejai bukkulenna, nasangkamma a'bului bukkulenna sanrapang bulunna jubaya. Lanri kammanami anjo naniareng Esau.

PA'JARIANG 25:26

Ri wattunna nilassukang ana' makaruaya, limanna anna'galaki ri kacunu' bangkenna Esau. Iaminjo saba'na naniareng Yakub. Annampulo taung umuru'na Ishak, wattu lassu'na ke'nanga.

PA'JARIANG 32:29

Nakanamo Yakub, “Kipaumi inai arenTa Karaeng.” Mingka appialimi anjo taua angkana, “Tena naparallu nupakkuta'nangngang angkana inai arengku!” Nampa nabarakkaki Yakub.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

MALEAKHI 1:2

Nakana Batara mae ri umma'Na, “MangngamaseangA' mae ri kau ngaseng.” Mingka appiali ke'nanga angkana, “Antekamma bateTa angkamaseangi ikambe Batara?” Appiali Batara angkana, “Sai anjo Esau daenna Yakub? Mingka Yakub Kukamaseang,

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

PAMMILANGNGANG 20:15

Boe-boena ikambe a'lampai mange ri Mesir nampa ammantang anjoreng attaung-taung sallona. Nampa anjo boe-boena ikambe siagang kalenna ikambe nigau' tabaji'-baji' maki' ri bansa Mesir,

PAMMILANGNGANG 20:22

Nabokoimi umma' Israel Kades nampa battu mange ri Moncong Hor,

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

YOSUA 2:10

Nalangngere'mi ikambe kabara'na, angkana antekamma bateNa Batara ampa'jari kalotoroki Tamparang Alara' ri dallekannu ngaseng, ri wattunna nubokoi Mesir. Nalangngere' tommi ikambe kabara'na angkana antekamma batena nubuno Sihon siagang Og, iamintu rua karaeng bansa Amori ri rayanganna Binanga Yordan.

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.

YOSUA 9:10

siagang apa Nagaukanga mae ri anjo ruaya karaeng Amori irayanganna Yordan, iamintu Karaeng Sihon ri Hesybon siagang Karaeng Og ri Basan ammantanga ri Asytarot.

YOSUA 9:9

Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,