PAMMILANGNGANG 20:11 - KITTA' MATANGKASA'

¹¹ Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

PAMMILANGNGANG 20:11 ပူးပေါင်းရင်းမြစ်များ

1 PATTOTTORANG 15:13

Ri wattu bungasa' nipalette'na anjo Pattia, tena ngasengko anjoreng untu' angngangkaki. Lanri kammana minjo naNahukkungki' Batara, Allata'alata, nasaba' anynyombaki' ri Ia tena nasituru' ero'Na.”

1 PATTOTTORANG 15:2

Nakanamo Daud, “Tu Lewiji bawang akkulle angngangkaki Patti ParjanjianNa Batara, nasaba' iami ke'nanga nipile ri Batara untu' ampisangi anjo Pattia, siagang allayani mae ri Ia sa'genna satunggu-tungguna.”

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

PAMMUJI 114:8

ampinrayai batu karanga a'jari kollang je'ne', siagang moncong batua a'jari timbuseng je'ne'.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PAMMUJI 78:15

Nareppeki moncong batua ri parang lompoa, nampa nasare ke'nanga je'ne' inung allumpa-lumpa.

PAMMUJI 78:16

Nasuroi bulu' batua appasulu' je'ne', nampa assolommo je'neka sangkamma binanga.

PAMMUJI 78:20

Memang Natunrungi moncong batu kassaka, sa'genna assolong sarring je'neka. Mingka maka lakkulle tongi Napasadiang roti siagang Nasare dageng umma'Na?”

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YESAYA 48:21

Wattunna Narurungang ke'nanga allalo ri parang kalotoroka, tena nasessa ke'nanga napakamma turere. Napuei Batara moncong batua nampa appasolong je'ne' battu ri batuai Napassulukang je'ne' ke'nanga.

HOSEA 13:5

Ri butta kalotoroka ri parang lompoa, iNakke anjagaiko.

KAIMANGNGANG 10:1

Ri se'reang allo, Nadab siagang Abihu, iamintu ana'na Harun, angngallei massing tampa' pepe'na nampa nabonei bara. Nampa nabonei ke'nanga dupa anjo pepeka siagang napassareang mae ri Batara. Mingka tena nahallala' anjo pepeka lanri tena nisuroi ke'nanga ri Batara ampassareangi anjo kammaya.

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

PAOLE 8:15

Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

YAKOBUS 1:20

Inai-nai larro takkulleai nagaukang apa-apa bajika, ia nakarannuanga atinNa Allata'ala.

HAKING-HAKING 15:19

NaNasungkemo Allata'ala se're kali'bong ri anjo bulu' batua ri Lehi, nampa assulu'mo je'neka battu anjoreng. Angnginummi Simson sa'genna baji'mi nasa'ring ammotere'. Iaminjo saba'na naniareng timbuseng je'neka “Timbuseng je'ne' Hakor” Anjo timbuseng je'neka nia' iji ri Lehi.

1 SAMUEL 15:19

Angngapa natena kigaukangi parentaNa Batara? Angngapa ki'lumba-lumbaeng angngalle barang-barang nirampasa', siagang lanri kammana anjo nakipakabirisi' atinNa Batara?”

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.