PAMMILANGNGANG 20:10 - KITTA' MATANGKASA'

¹⁰ Napasse'remi Musa siagang Harun sikontu ummaka ri dallekanna anjo bulu' batua. Nampa angkanami Musa, “Pilangngeri, he ikau ngaseng tau pabali-balia! Apaka musti appasuluki je'ne' ikambe battu lalang ri anne bulu' batua untu' ikau ngaseng?”

PAMMILANGNGANG 20:10 ပူးပေါင်းရင်းမြစ်များ

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 41:16

Appialimi Yusuf angkana, “Teai anne atanta karaeng, mingka Allata'ala lampakasingara' bajiki.”

PAMMUJI 78:16

Nasuroi bulu' batua appasulu' je'ne', nampa assolommo je'neka sangkamma binanga.

KALAPPASSANG 17:6

LammentengA' ri dallekannu irate ri se'reang batu lompo ri Moncong Sinai. Tunrungi anjo batua, nampa lassulu' je'neka battu ri anjo batua sollanna akkulle anjo taua angnginung.” Nagaukammi Musa anjo kammaya nisa'bi ri sikamma pamimpinna tu Israel.

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

1 KORINTUS 3:7

Jari ia parallua iamintu Allata'ala, nasaba' Iami appattimbo. Tau a'lamunga siagang tau anynyiranga je'ne' tena naparallu;

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

PAOLE 9:24

Baku'nu kuasseng, tuli tenana numappilangngeri mae ri Batara.

YAKOBUS 3:2

Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.