PAMMILANGNGANG 2:18 - KITTA' MATANGKASA'

^18-24 Ri bageang ilau', iamintu pasukang a'la'langa irawangang bandera kasatuanna Efraim, musti akkemai situru' pasukanna siagang massing pamimpinna, iamintu kammaya anne susunna: Suku Pamimping Jaina Tau Efraim Elisama ana'na Amihud 40.500 Manasye Gamaliel ana'na Pedazur 32.200 Benyamin Abidan ana'na Gideoni 35.400 Yangasenna: 108.100 Kasatuanna Efraim musti a'jappa ri bokona suku Lewi.

PAMMILANGNGANG 2:18 ပူးပေါင်းရင်းမြစ်များ

PA'JARIANG 48:5

Napannarrusu'mi kananna Yakub, nakana, “Yusuf, anjo ruaya ana'nu lassuka anrinni ri Mesir, ri tenanapa kubattu, iamintu Efraim siagang Manasye, kupasangkammai anakku, sangkamma Ruben siagang Simeon.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

PAMMILANGNGANG 10:22

Nampa amminawang pasukang a'la'langa rawa bandera kasatuanna suku Efraim, tasse're pasukang mae ri pasukang maraengannaya: Elisama ana'na Amihud ampimpingi barisanna suku Efraim,

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”