PAMMILANGNGANG 19:19 - KITTA' MATANGKASA'

¹⁹ Musti napiracciki ri allo makatallua siagang ri allo makatujua. Ri anjo allo makatujua le'ba'mi anjo allo pannangkasinna anjo tau ra'masaka. Anjo taua musti nasassai pakeanna siagang musti a'je'neki. Appakkaramula ri wattu labuna alloa a'jari tangkasa'mi.

PAMMILANGNGANG 19:19 ပူးပေါင်းရင်းမြစ်များ

PA'JARIANG 2:2

Ri allo makatujua nale'ba'mo Napa'jari Allata'ala anjo jama-jamanNa, nampa ammari-marimo.

KALAPPASSANG 19:10

Kamma-kamma anne buntulimi ke'nanga, siagang suromi ke'nanga anne alloa siagang ammuko ampasadiai kalenna untu' anggaukangi ibadana. Musti nasassai pakeanna ke'nanga.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

KAIMANGNGANG 14:7

Imanga musti napiracciki anjo tau ammolleamo siagang cera'na anjo jangang-janganga sa'genna pintuju; le'baki anjo nibilang tangkasa'mi anjo taua.

KAIMANGNGANG 14:9

Ri makatujuna alloa musti nacukkuru' ngasengi uu'na, janggo'na, bulu matanna siagang sikontu bulu-bulu niaka ri kalenna. Nampa nassasa pakeanna siagang a'je'neki. Punna le'ba'mo anjo nampami tangkasa'.

PAMMILANGNGANG 19:12

Ri allo makatallua siagang makatujua musti natangkasi kalenna siagang je'ne' upacara; punna le'baki, nampami a'jari tangkasa'. Mingka punna ri makatalluna alloa siagang ri makatujuna alloa tena natangkasi kalenna, tuli ra'masa'na.

PAMMILANGNGANG 19:13

Tau naseroa maya' siagang tenaya natangkasi kalenna anjari ra'masaki, lanri tenanapa nanitiriki siagang je'ne' upacara. Nara'massi KemaNa Batara siagang lanri kammana anjo tenamo nanibilangi anggota umma'Na Allata'ala.

PAMMILANGNGANG 19:18

Lalang ri anjo passala' makase'rea, iamintu punna nia' tau mate lalang ri kemaya, tau tenaya nara'masa' musti angngallei sitangke hisop, nampa najallakkang antama' ri anjo je'neka, nampa napiracciki anjo kemaya siagang sikontu apa-apa niaka lalang, kammayatompa sikamma tau niaka anjoreng. Lalang ri passala' makaruaya, iamintu punna nia' tau nisero ri maya', jera' yareka buku tumate, tau tenaya nara'masa' musti napiracciki anjo tau ra'masaka kamma sumpaeng.

PAMMILANGNGANG 31:19

Nampa ikau sikamma le'baka ammuno tau yareka anseroi mayaka, musti ammantangko ri pantaranganna kemaya lalang tuju allo sallona. Ri allo makatallu siagang makatujua, ikau ngaseng siagang sikontu anjo baine nutahanga musti nugaukangi upacara pannangkasi kalea.

PAMMILANGNGANG 31:24

Ri allo makatujua musti nusassai pakeannu, nunampamo tena nura'masa', siagang akkulle mako antama' ri pakkemaanga.”

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

YUDAS 1:23

Besoki assulu' tau sanrapang lalanga ri pepeka sollanna salama' ke'nanga. Mae ri tau maraenganga, parallui nupa'nyata pangngamaseannu nirurunganga siagang malla'; mingka kabirisi ba'lalo pakeang ra'masa'na ke'nanga napakamma kaerokang dorakana ke'nanga.