PAMMILANGNGANG 18:9 - KITTA' MATANGKASA'

⁹ Battu ri passare kaminang matangkasa' tenaya nitunui irate ri tampa' pakkoro'bangnganga, anne kammaya anne untu' ikau: Koro'bang nipatala, koro'bang pammopporang dosa, siagang koro'bang passambe karugiang. Yangasenna anjo sikammaya passare matangkasa' a'jaria bageannu siagang bageanna sikamma ana'nu.

PAMMILANGNGANG 18:9 ပူးပေါင်းရင်းမြစ်များ

2 KARAENG-KARAENG 12:17

Anjo wattua Hazael iamintu karaeng Siria nabunduki siagang naempoimi kota Gat. Nampa ero' tommo nabunduki kota Yerusalem.

NEHEMIA 10:36

Lanaerangi ikambe sikamma ana' toana ikambe mae ri imanga ri Balla'Na Batara ri Yerusalem untu' nipassareang mae ri Allata'ala, situru' paratorang Hukkunga. Lanapassareang tongi ikambe ana' sapi, ana' gimbala', yareka ana' bembena ikambe, ia uru lassuka.

YEHEZKIEL 42:13

Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

YEHEZKIEL 44:29

Katallassanna ke'nanga iamintu musti battu ri gandung passarea, koro'bang pannangkasi dosa, siagang koro'bang passambe karugiang; sikontu-kontuna apa nipassareanga mae ri Nakke, musti nisareangi ke'nanga.

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 14:13

Anjo ana' gimbalaka musti nasamballei ri tampa' tassa'laka, iamintu tampa' le'bakamo nipattantu untu' pammolongang olo'-olo' koro'bang pammopporang dosa siagang koro'bang nitunu. Anjo gimbalaka musti nisamballei anjoreng lanri anjo koro'bang passambe karugianga siagang koro'bang pammopporang dosaya teai sipato' tangkasa'na siagang a'jari bageannai imanga.

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 22:11

Mingka punna ata-ata naballia anjo imanga siagang doe' kalenna yareka nilassukangi lalang ri balla'na, akkullei nakanre bageanna anjo imanga.

KAIMANGNGANG 22:7

Punna labumo alloa a'jari tangkasa'mi siagang akkullemi nakanre, lanri iaminjo kanrena.

KAIMANGNGANG 4:22

Punna anjo tudorakaya iamintu tau anna'galaka koasa lanri tenana nakunjungi andakkai kalase'renna parentaNa Batara,

KAIMANGNGANG 4:27

Punna nia' sitau ra'ya' biasa a'gau' dosa lanri tena nakunjungi andakkai kalase'renna parentaNa Batara,

KAIMANGNGANG 5:1

Anjo koro'bang nipammopporanna dosaya parallui nipassareang: Punna nia' tau nikellai assare kasa'biang ri pangadelanga, mingka tena nassare kasingarang ri anjo passala' le'baka nacini' yareka nalangngere', sa'genna nakasia' baji'-kodina.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

KAIMANGNGANG 6:19

Napassareangi Batara mae ri Musa anne paratorang-paratoranga,

KAIMANGNGANG 6:30

Olo'-olo' untu' upacara nipammopporanna dosaya niallei sipa'gang cera'na untu' nierang mange ri Kamara' Matangkasaka, musti nitunui sa'genna cappu', na takkulleai nikanre.

KAIMANGNGANG 7:1

Iaminne paratorang-paratorang ri passala'na koro'bang passambe karugianga. Anjo koro'banga teai sipato' tangkasa'na.

KAIMANGNGANG 7:6

Sikamma tu bura'nea lalang ri kaluargana imang-imanga akkullei nakanre anjo dageng koro'banga, mingka musti nakanrei ke'nanga ri tampa' le'baka nipattantu, nasaba' anjo koro'banga teai sipato' tangkasa'na.

KAIMANGNGANG 7:7

Untu' koro'bang pammopporang dosaya siagang koro'bang passambe karugianga sangkammai paratoranna, iamintu: Dageng olo'-olo' nikoro'bangkanga iami bageanna imang tugasaka ampassareangi anjo koro'banga.

PAMMILANGNGANG 18:10

Anjo kammaya matangkasaki mae ri kau, jari musti anjoreng tongi ri tampa' matangkasaka musti nukanre. Tu bura'neaji bawang akkulle angkanrei.

PAOLE 18:1

“Sikontu suku Lewi nisarei tugasa' a'jari imang; lanri kammana takkulleai ke'nanga annarima bageang butta ri Israel. Anjo ke'nanga musti attallasaki battu ri sikamma passare siagang koro'bang-koro'bang maraengannaya nipassareanga mae ri Batara.