PAMMILANGNGANG 18:7 - KITTA' MATANGKASA'

⁷ Mingka ikauji bawang siagang sikamma ana'nu akkulle anggaukangi tugasa' imanga, lalang sikontu jama-jamang niaka passisambunganna siagang tampa' pakkoro'bangnganga kammayatompa apa-apa niaka lalang ri Kamara' Kaminang Matangkasaka. Iaminjo tanggong jawa'nu, lanri le'ba' mako Kusare empoang salaku imang. Sikamma tau tenaya ha'na lanihukkungi punna nareppesi anjo barang-barang matangkasaka.”

PAMMILANGNGANG 18:7 ပူးပေါင်းရင်းမြစ်များ

PAMMUJI 115:10

He sikamma imang, manrannuangko mae ri Batara, Iami antulungko siagang anjagaiko.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

YEHEZKIEL 44:15

Nakana Batara Kaminang Tinggia, “Ri wattungKu nabokoi bansa Israel, imang-imang tu Lewi battua ri jari-jarina Zadok tamamminrayai allayaniA' lalang ri BallakKu. Lanri kammana anjo iami anjo ke'nanga musti allayaniA' siagang battu mae ri dallekangKu untu' angngerang passare janna siagang cera'na sikamma koro'banga.

YEHEZKIEL 44:16

Ke'nangaji bawang akkulle antama ri BallakKu, allayaniA' ri tampa' pakkorobangngangKu, siagang ampimpingi ibadaya ri BallakKu.

YEHEZKIEL 44:8

Teai ke'nanga bawang anggaukangi sikamma pa'gaukang matangkasaka lalang ri BallakKu, passangalinna tau bansa maraenga nasare tongi tugasa' ke'nanga untu' anggaukangi.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

PAMMILANGNGANG 1:51

Punna a'lettekko, tu Lewi musti ambongkaraki KemaKu, nampa napasang ammotere' ri tampa' pakkemaang berua. Pantaranganna ke'nanga, manna nai punna a'reppeseki ri anjo KemaKu musti nihukkung matei.

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

PAMMILANGNGANG 18:20

Nakanamo pole Batara mae ri Harun, “Ikau tena nunggappa pambageang warisi' apa-apa. Ri pa'rasangang Kupa'janjianga mae ri kau tena manna sicappi' butta la'jari nupatang. INakke, Batara, a'jari bageang warisi'nu.”

PAMMILANGNGANG 18:3

Suku Lewia musti nagaukangi kawajibanna ke'nanga mae ri kau ngaseng siagang najamai tugasa'na ke'nanga ri KemaKu; mingka takkulleai ke'nanga anreppesi tampa' pakkoro'bangnganga yareka anseroi barang-barang matangkasaka ri Kamara' Matangkasaka. Punna nadakkai ke'nanga anjo paratoranga, baji' ke'nanga kammayatompa ikau, lamatei.

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

PAMMILANGNGANG 3:38

Lalang ri pakkemaanga, Musa siagang Harun kammayatompa sikamma ana'na ke'nanga musti angngallei tampa' ri dallekang KemaNa Batara, ri bageang rayana. Iami ke'nanga tanggong jawa' mae ri upacara ibadaya untu' bansa Israel ri Kamara' Matangkasaka. Pantaranganna ke'nanga, manna pole inai punna napaccoba-cobai nagaukang anjo jama-jamanga musti nihukkung matei.

MATIUS 10:8

Pakabaji'mi sikamma tau garringa; pabangung poleangi tau matea pakabaji'mi tau garring salaya, siagang bongkami sikamma setanga. Na anne Kusareangako, apa kupassareang bawang-bawanji ri kau ngaseng. Jari passareang bawang-bawang tommi mae ri taua.

YOHANES 3:27

Appialimi Yohanes nakana, “Takkulleai nia' apa-apanna rupataua, punna tanisareanga ri Allata'ala.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

PAOLE 18:2

Takkulleai ke'nanga nia' buttana, sangkamma suku-suku maraenga; ia natarimaya ke'nanga salaku imang-imanNa Batara iamintu bageang battu ri passare napassareanga bansa Israel mae ri Batara, sangkamma Napa'janjianga Batara.

IBRANI 5:4

Tenanniakka manna sitau angngangkaki kalenna a'jari imang lompo. Iapa nakkulle a'jari imang lompo taua, punna KalenNa Allata'ala angkioki – sangkamma ri nikio'na Imang Harun.

YOSUA 18:7

Suku Lewi bawang talanggappaya pambageang butta, lanri pambageanna ke'nanga iamintu a'jaria imang-imang allayani Batara. Siagang passala'na suku Gad, suku Ruben siagang bageruanna suku Manasye, le'ba' memammi ke'nanga natarima bageanna irayanganna Binanga Yordan. Le'ba'mi napassareang Musa, atanNa Batara, anjo buttaya mae ri ke'nanga.”

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.