PAMMILANGNGANG 18:4 - KITTA' MATANGKASA'

⁴ Musti anjamai ke'nanga siagang ikau, kammayatompa nagaukangi tugasa' niaka passisambunganna siagang sikamma palayananga lalang ri KemaKu; mingka tenaya nanisarei ha' untu' anjo jama-jamanga, tena nipa'biangi anjama siagang ikau.

PAMMILANGNGANG 18:4 ပူးပေါင်းရင်းမြစ်များ

YEHEZKIEL 44:14

Kamma-kamma anne Kusarei ke'nanga anggaukangi jama-jamang kasaraka iamintu parallua nijama lalang ri BallakKu.”

PAMMILANGNGANG 1:51

Punna a'lettekko, tu Lewi musti ambongkaraki KemaKu, nampa napasang ammotere' ri tampa' pakkemaang berua. Pantaranganna ke'nanga, manna nai punna a'reppeseki ri anjo KemaKu musti nihukkung matei.

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

PAMMILANGNGANG 18:3

Suku Lewia musti nagaukangi kawajibanna ke'nanga mae ri kau ngaseng siagang najamai tugasa'na ke'nanga ri KemaKu; mingka takkulleai ke'nanga anreppesi tampa' pakkoro'bangnganga yareka anseroi barang-barang matangkasaka ri Kamara' Matangkasaka. Punna nadakkai ke'nanga anjo paratoranga, baji' ke'nanga kammayatompa ikau, lamatei.

PAMMILANGNGANG 18:5

Ikauji bawang, Harun, siagang sikamma ana'-ana'nu musti anggaukangi tugasa' lalanga ri Kamara' Matangkasaka siagang tampa' pakkoro'bangnganga, sollanna tenamo naKularro poleang mae ri bansa Israel.

PAMMILANGNGANG 3:10

Mingka Harun siagang sikamma ana'na musti nuangkaki untu' anggaukangi tugasa'na salaku imang; pantaranganna ke'nanga, manna pole nai ampaccoba-cobai anggaukangi anjo tugasaka musti nihukkung matei.”

PAMMILANGNGANG 31:30

Battu ri bageanna umma' Israel, musti nuallei tasse're battu ri ta'limampuloa, baji' battu ri tau nitahanga, kammayatompa battu ri sapia, keledaia, gimbalaka siagang bembea. Passareangi anjo sikammaya mae ri tu Lewi angngurusukai KemaKu.”

PAMMILANGNGANG 8:26

Le'baki anjo akkullei nabantu tu Lewi maraenga, ia tugasaka lalang ri KemaKu, mingka tenamo nattantu tugasa'na. Kammaminjo carana niatoro' jama-jamanna tu Lewi.”

1 SAMUEL 6:19

Mingka lanri attoa'na siapa are tau ri Bet-Semes antama' ri anjo Patti Parjanjianga, nia'mo tujupulo tau ri ke'nanga mate nibuno ri Batara. Nampa natujumo susa ke'nanga nasaba' nipitujui ke'nanga ri Batara bala lompo.