PAMMILANGNGANG 18:32 - KITTA' MATANGKASA'

³² Tena nusala punna nukanrei, assala' le'ba'mi nupassareang bageang kaminang bajika mae ri Batara. Teako ra'massi passare matangkasa'na tu Israel, lanri nukanrena anjo passarea natenapa nusa'laki bageang kaminang bajika untu' Batara. Punna nudakkai anjo parentaya, tena tamatenu.

PAMMILANGNGANG 18:32 ပူးပေါင်းရင်းမြစ်များ

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

KAIMANGNGANG 19:8

Inai-nai angkanrei anjo dagenga salami lanri tena najampangi apa nisa'laka untu' iNakke. Anjo tau kammaya tenamo nanibilangi anggota ummakKu.

KAIMANGNGANG 22:2

ampabattui anne parentaya mae ri Harun siagang sikamma ana'na angkanaya, “Gaukangi siagang siratannaya apa napassareanga bansa Israel untu' iNakke, sollanna tena nanura'massi areng matangkasakKu. INakke Batara.

MALEAKHI 1:7

Lanri assarenu koro'bang kanre-kanreang tenaya nasiratang nikoro'bangkang irate ri tampa' pakkoro'bangngangKu. Nampa akkuta'nang ngasengko angkana, ‘Antekamma batena ikambe ancapakKi'?’ Iamintu lanri nura'massinna tampa' pakkoro'bangngangKu.

PAMMILANGNGANG 18:22

Tu Israel maraengannaya takkulleai a'reppese' mae ri KemaKu, sollanna tena nanitujui ke'nanga hukkungang mate.

PAMMILANGNGANG 18:31

Anjo tassesaya akkullei nukanre ri kere-keremae siagang kaluarganu, salaku sawala'nu ri jama-jamanga lalang ri KemaNa Batara.

PAMMILANGNGANG 19:1

Naparentakangi Batara mae ri Musa siagang Harun

1 KORINTUS 11:27

Lanri kammana, inai-nai sala carana angkanrei rotiNa Batara siagang sala carana angnginungi anggoro'Na Batara, dorakami anjo taua mae ri Batara, le'baka angkoro'bangkangi batangkalenNa siagang cera'Na.

1 KORINTUS 11:29

Nasaba' inai-nai angkanrei anjo rotia siagang angnginungi anjo anggoroka natena najampangi angkanaya anjo parjamuanga nia' passisambunganna siagang batangkalenNa Batara, anjo taua angnganremi siagang angnginummi hukkungang battu ri Allata'ala mae ri kalenna.