PAMMILANGNGANG 18:31 - KITTA' MATANGKASA'

³¹ Anjo tassesaya akkullei nukanre ri kere-keremae siagang kaluarganu, salaku sawala'nu ri jama-jamanga lalang ri KemaNa Batara.

PAMMILANGNGANG 18:31 ပူးပေါင်းရင်းမြစ်များ

PAMMILANGNGANG 18:30

Punna le'ba'mo nupassareang anjo bageang kaminang bajika, akkullemi nualle sesanna, sangkamma sitau pamarri angngalleai apa tassesaya ri wattu le'ba'namo naerang passarena.

PAMMILANGNGANG 18:32

Tena nusala punna nukanrei, assala' le'ba'mi nupassareang bageang kaminang bajika mae ri Batara. Teako ra'massi passare matangkasa'na tu Israel, lanri nukanrena anjo passarea natenapa nusa'laki bageang kaminang bajika untu' Batara. Punna nudakkai anjo parentaya, tena tamatenu.

MATIUS 10:10

Tea tongko angngerangi pammoneang passidakka, yareka pakeang ruang lawara', teako angngerangi sapatu yareka takkang. Nasaba' sikamma tau anjamaya tena tanisareanna kaparalluanna.

LUKAS 10:7

Ammantang mako ri se'reang balla'. Tarimami apa napassareanga patanna balla' ri kau, nasaba' sikamma tau anjamaya musti natarimai wassele' jama-jamanna. Teako a'lette'-letteki battu ri se'reang balla' mange ri balla' maraenga.

2 KORINTUS 12:13

Ri passala apaya nukurang nijampangi sangkamma jama'ah-jama'ah maraenga? Kaminang jaina ri passala' iaji anne: Angkanaya tena nakususaiko untu' angngongkosia'. Pammopporanga' ri anjo kasalangku!

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.