PAMMILANGNGANG 18:21 - KITTA' MATANGKASA'

²¹ Nakana Batara mae ri Harun, “Sikontu passare bagesampulona tu Israel Kupassareangi mae ri tu Lewi. Iaminjo bageang warisi'na ke'nanga untu' jama-jamanna ke'nanga ri KemaKu.

PAMMILANGNGANG 18:21 ပူးပေါင်းရင်းမြစ်များ

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 47:24

Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

2 PATTOTTORANG 31:12

nampa naboli' anjo sikontu passarea siagang passare bage sampuloa battu ri pa'barang-baranganna ra'yaka lalang ri anjo gudang-gudanga. Nia' sitau tu Lewi niarenga Konanya nisare tugasa' untu' pangawasa', siagang andi'na niarenga Simei a'jari pambantuna.

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

NEHEMIA 10:38

Mingka nia' sitau imang turungang battua ri Harun musti anrurungangi ke'nanga anjo tu Lewia, punna napasse're ke'nanga anjo sikamma passarea. Nabage sampulona anjo sikamma passarea musti nierangi ri tu Lewia mange ri kamara'-kamara' parsadiaanga ri Balla'Na Batara ri Yerusalem.

NEHEMIA 12:44

Anjo wattua nia' siapa are tau nisare tugasa' anjannangngi kamara'-kamara' tampa' parsadiaanga untu' amboliki sikamma sumbangang untu' Balla'Na Batara ri Yerusalem, kammayatompa passare bage sampulona siagang wassele' bungasa'na taua taung-taung. Sikamma anjo pajannanga musti napa'rappungi anjo sumbangang-sumbanganga battu ri sikamma koko niaka ri tammulilina kota-kotaya. Anjo sumbangang-sumbanganga nipassareangi mae ri sikamma imanga siagang tu Lewia, situru' paratoranna Hukkunga. Sikamma tu Yehudaya nahargai sikamma anjo imanga siagang tu Lewia,

NEHEMIA 12:47

Ri jammanna Zerubabel siagang ri jammanna Nehemia, sikontu ra'ya' Israel assarei passare untu' anggannakki kaparalluang allo-allona sikamma pakelonga siagang pajaga pakke'bu' lompona Balla'Na Batara ri Yerusalem. Assare tommi ra'yaka passare poro untu' tu Lewia, nampa tu Lewia nasare tommi sikamma imanga bageang le'bakamo nipattantu.

NEHEMIA 13:12

Nampa kusuro sikontu ra'yaka assare pole bage sampulo gandung, anggoro', minynya' zaitun, nampa naerang mange ri kamara' parsadiaanga.

NEHEMIA 13:5

Elyasib napassareangi mae ri Tobia se're kamara' lompo, ia sitojenna nipasadiaya poro untu' amboliki passare gandunga, kamanynyanga, sikamma pakkakasa' Balla'Na Batara, passare untu' imang-imanga, passare bage sampulona gandunga, anggoro', siagang minynya' zaitun, ia lanibage-bagea mae ri tu Lewi, sikamma pamusika siagang pajaga pakke'bu' lompona Balla'Na Batara ri Yerusalem.

MALEAKHI 2:4

Jari lanuassemmi angkanaya anne parentaya le'ba'mi Kupassuroang, sollanna anjo parjanjiangKu siagang sikamma imanga, jari-jarina Lewi, tuli tappakei.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

PAMMILANGNGANG 18:6

Sikontutojenna, le'ba'mi Kupilei sikamma bija pammanakannu tu Lewi battu ri alla'na bansa Israel salaku passare mae ri Nakke. Le'ba'mi Kusa'la' ke'nanga untu' KalengKu, untu' allayaniA' ri KemaKu.

PAMMILANGNGANG 3:6

“Suroi suku Lewi battu andallekang, nampa nujo'jo' ke'nanga a'jari palayang-palayanna Harun.

PAMMILANGNGANG 31:28

Untu' passare nisa'la' mae ri Nakke, Batara, musti nuallei battu ri anjo bageanna sikamma tantaraya tasse're lalanna ta'limang bilangnganga, baji' battu ri tau nitahanga, kammayatompa battu ri sapia, keledaia, gimbalaka, siagang bembea.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

PAOLE 18:8

Musti anggappai kanre sangkammaya jaina siagang imang-imang maraenga; apa nagappaya battu ri kaluargana, untu' ia todong.”

IBRANI 7:5

Ilalang ri hukkung agama Yahudia nia' nipattantu angkanaya musti angngallei imang-imang sossoranna Lewi bage sampulona panggappanna umma' Israel, iamintu sari'battang kalenna ke'nanga, manna pole para sossorannai Abraham.