PAMMILANGNGANG 18:15 - KITTA' MATANGKASA'

¹⁵ Sikontu bungasa' lassuka battu ri rupataua kammayatompa olo'-olo' napassareanga tu Israel mae ri Nakke, iami bageannu. Mingka musti nupasuluki sikamma ana' bungasa'nu, kammayatompa olo'-olo' harang bungasa' lassuka.

PAMMILANGNGANG 18:15 ပူးပေါင်းရင်းမြစ်များ

2 KARAENG-KARAENG 12:5

Tunggala' imanga musti massing natanggongi doe' napassareanga sikamma tau nalayania. Anjo doeka lanipakei untu' ampakabajiki sikamma kapanrakang niaka lalang ri Balla'Na Batara.

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

KALAPPASSANG 13:15

Ri wattunna kapala batu Karaeng Mesir siagang taerokai allappassangki' a'lampa, Nabunomi Batara sikontu ana'-ana' bura'ne bungasa' lassuka ri Mesir, baji' ana' rupataua kammayatompa ana' olo'-oloka. Iaminjo saba'na nanikoro'bangkang mae ri Batara sikontu olo'-olo' piara lakia ia bungasaka lassu', mingka nipasuluki ana'-ana' bura'neta ia bungasaka lassu'.’

KALAPPASSANG 13:2

“Sikontu ana'-ana' bura'ne bungasaka passareangi ri Nakke. Sikontu ana'-ana' bura'ne bungasa'na Israel, siagang sikontu olo'-olo' laki bungasaka lassu', iNakke ngaseng pata.”

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 34:20

mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

PAMMILANGNGANG 18:16

Sikamma ana'-anaka musti nipasuluki ri wattunna umuru' sibulang ke'nanga. Anggaranna nipattantua iamintu lima doe' pera', situru' anggarang niaka nipake ri KemaKu.

PAMMILANGNGANG 3:46

Lanri la'biangngangi ana' bura'ne bungasa'na tu Israel 273 jaina tau najaina tu Lewi, jari anjo la'binna musti nupasuluki.

PAOLE 15:19

Ana' sapi laki siagang ana' gimbala' laki bungasa' lassuka musti nipassareangi mae ri Karaeng Allata'ala. Anjo sapia takkulleai nipake untu' appa'jeko, siagang anjo gimbalaka takkulleai nicukkuru'.