PAMMILANGNGANG 18:1 - KITTA' MATANGKASA'

¹ Nakana Batara mae ri Harun, “Ikau, ana'-ana'nu siagang tu Lewia, musti natanggongi kale'bakkanna kakodianna sikamma kasalang kajarianga lalang ri KemaKu; mingka ikauji bawang siagang sikamma ana'nu antanggongi kasalang kajarianga lalang ri jama-jamanna imanga.

PAMMILANGNGANG 18:1 ပူးပေါင်းရင်းမြစ်များ

KALAPPASSANG 28:38

Anjo belo-belo bulaenga musti napatabai Harun ri abanna, sollanna iNakke, Batara, eroKa' antarimai sikontu passare naeranga tu Israel mae ri Nakke, manna pole nania' kasalanna ke'nanga lalang naeranna anjo passarea.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 53:6

Ikatte sala oloang ngaseng maki' rapang gimbala' massing naboya kalennai oloanna. Iami Napitujui Batara sikontu kaja'dallanta ngaseng.

YEHEZKIEL 4:4

Nampa tinro tattiling maeko ri kairi, siagang laKupitujuiko kasalanna bansa Israel. Lattinro kammako anjo 390 allo sallona siagang lasessako lanri kasalanna ke'nanga. Punna sialloko attinro kamma anjo, battuanna sitaung hukkungang mae ri bansa Israel.

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

KAIMANGNGANG 22:16

lanri nalappassanna nakanre tau tenaya nakkulle angkanrei anjo passarea. Anjo kammaya napa'jari salami anjo taua siagang lanitujui ri hukkungang. INakke Batara, siagang iNakke ampakatangkasaki anjo passarea.”

KAIMANGNGANG 22:9

Sikontu imanga musti naturuki paratorang-paratorang Kupassareanga. Punna tena, salai ke'nanga siagang tena tamatena, lanri nadakkai ke'nanga anjo paratorang-paratorang matangkasaka. INakke Batara, siagang iNakke ansa'laki ke'nanga untu' KalengKu.

PAMMILANGNGANG 14:34

Lanukasiaki kale'bakkang kodina dosanu lalang patampulo taung sallona; sitaunga nirekengi untu' siallo battu ri patampulo alloa nupake untu' ansalidiki anjo pa'rasanganga. Lanuassengi angkanaya antekamma kasia'na punna angngewako ri Nakke!

PAMMILANGNGANG 16:10

Ikau Korah, siagang sikontu tu Lewi, nipakalompo mako ri Batara – nampa kamma-kamma anne annuntu' tommako sedeng ero' a'jari imang!

PAMMILANGNGANG 17:13

Punna a'reppese' taua mange ri KemaNa Batara musti matei; jari tenamo panrannuang mae ri kambe!”

PAMMILANGNGANG 17:3

nampa arenna Harun ri takkanna suku Lewi. Untu' tunggala' pamimping sukua musti nia' se're takkang.

PAMMILANGNGANG 17:7

Nampa naboli' Musa anjo sikamma takkanga ilalang ri KemaNa Batara, ri dallekanna Patti Parjanjianga.

PAMMILANGNGANG 18:11

Sikontu passare nisa'la' maraenganga napassareanga tu Israel mae ri Nakke, bageannu todong. Kupassareangi mae ri kau siagang mae ri sikamma ana'-ana'nu bura'ne baine. Anne paratoranga tappakei sa'genna satunggu-tungguna. Tunggala' anggota kaluarganu tenaya nara'masa' akkullei nakanre.

PAMMILANGNGANG 3:6

“Suroi suku Lewi battu andallekang, nampa nujo'jo' ke'nanga a'jari palayang-palayanna Harun.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

IBRANI 13:17

Turuki parentana pamimping-pamimpinnu, siagang tundukko mae ri ke'nanga. Nasaba' tuli naparhatikangi ke'nanga nyawanu, namusti attanggong jawaki ke'nanga mae ri Allata'ala. Punna nuturuki ke'nanga, akkullei ke'nanga anjama siagang sannang pa'mai'na; punna tena, akkullei a'jari si'na pa'mai'na ke'nanga anjama, napunna kamma latena matu-matunna mae ri kau.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.