PAMMILANGNGANG 17:7 - KITTA' MATANGKASA'

⁷ Nampa naboli' Musa anjo sikamma takkanga ilalang ri KemaNa Batara, ri dallekanna Patti Parjanjianga.

PAMMILANGNGANG 17:7 ပူးပေါင်းရင်းမြစ်များ

KALAPPASSANG 38:21

Iaminne dattara'na sikamma apa-apa niaka nipake lalang ri KemaNa Batara, siagang pammantanganna ruaya batu nipannulisi siagang Sampulo ParentaNa Allata'ala. Anjo dattaraka nipareki lanri parentana Musa, siagang nisusunga ri sikamma tu Lewi anjamaya nipimping ri Itamar, ana'na Imang Harun.

PAMMILANGNGANG 1:50

Suroi ke'nanga angngurusuki KemaKu siagang sikontu pakkakasa'na. Tugasa'na ke'nanga iamintu ampisangi KemaKu siagang pakkakasa'na kammayatompa naurusuki. Musti akkemai ke'nanga ri tammulilina.

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

PAMMILANGNGANG 14:10

Sikontu ra'yaka a'garatta'mi ero' ansambilai ke'nanga batu sa'genna mate. Mingka ti'ring nia'mo nacini' ke'nanga caya tassioro'Na Batara ammumba irateanna Kemaya.

PAMMILANGNGANG 17:4

Erangi anjo sikamma takkanga mange ri KemaKu siagang padongkoki ri dallekanna Patti Parjanjianga, ri tampa' biasaya Kupassibuntuli siagang ikau.

PAMMILANGNGANG 17:6

Anjo passalaka napabattumi Musa mae ri tu Israel. Nampa sikamma pamimpinga massing napassareammi takkanna mae ri Musa, tasse're takkang untu' tunggala' pamimping sukua. Yangasenna nia' sampulo anrua, na nia' takkanna Harun ri alla'na anjo sikamma takkanga.

PAMMILANGNGANG 18:2

Bija pammanakannu, suku Lewi, musti nupapinawangi a'jari lalang nugaukanna tugasa'nu siagang tugasa'na sikamma ana'nu.

PAMMILANGNGANG 9:15

Ri allo nipaentenna KemaNa Batara, battumi rammanga nampa narangka' anjo Kemaya. Ri wattunna bangngi sa'genna bari'basa' anjo rammanga kammai pepe' nicini'.

LAMPA-LAMPANA 7:44

Balla' pammantanganNa Allata'ala ri wattunna battu mae ri rupataua niaki ri boe-boeta ri parang lompoa. Anjo pa'balla'-ballakanga nipareki situru' parentaNa Allata'ala mae ri Musa, siagang situruki panrala' le'baka Napappicinikang Allata'ala mae ri Musa.