PAMMILANGNGANG 17:10 - KITTA' MATANGKASA'

¹⁰ Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”

PAMMILANGNGANG 17:10 ပူးပေါင်းရင်းမြစ်များ

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

KALAPPASSANG 16:32

Nakana Musa, “Nasuroki' Batara angngalle kira-kira rua litere' manna untu' nibolikang jari-jarita, sollanna akkulle nacini' ke'nanga anjo kanre Napassareanga Batara mae ri katte ri parang lompoa, ri wattunta Naerang assulu' battu ri Mesir.”

KALAPPASSANG 16:34

Jari napadongko'mi Harun anjo uringa ri dallekanna Patti Parjanjianga untu' niboli' situru' parentaNa Batara mae ri Musa.

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

HOSEA 10:9

Nakana Batara, “Baku' kajarianga ri Gibea, tenammariapi tu Israel a'gau' dosa angngewa ri Nakke. Lanri kammana anjo ri Gibea tommi ke'nanga lanatuju pa'bundukang.

PAMMILANGNGANG 14:5

Nampa su'ju'mo Musa siagang Harun ri dallekanna sikontu ra'yaka.

PAMMILANGNGANG 16:21

“Ammono'bokoko battu ri sikamma anjo taua; laKupossoki ke'nanga kamma-kamma memang anne.”

PAMMILANGNGANG 16:40

Iaminjo a'jari pappiu'rangi mae ri bansa Israel angkanaya pantaranganna jari-jarina Harun, tena manna sitau akkulle battu mae ri tampa' pakkoro'bangnganga untu' attunu dupa mae ri Batara. Inai tau andakkai anjo paratoranga lanipanraki sangkamma Korah siagang sikontu tumminawanna. Yangasenna anjo kammaya nigaukangi situru' apa Naparentakanga Batara mae ri Eleazar tete ri Musa.

PAMMILANGNGANG 17:11

Nagaukammi Musa anjo apa Naparentakanga Batara.

PAMMILANGNGANG 17:4

Erangi anjo sikamma takkanga mange ri KemaKu siagang padongkoki ri dallekanna Patti Parjanjianga, ri tampa' biasaya Kupassibuntuli siagang ikau.

PAMMILANGNGANG 17:9

Naalle ngasemmi Musa anjo takkanga nampa napappicinikang mae ri tu Israel. Nacini'mi ke'nanga anjo apa kajarianga; nampa massing naallemo ammotere' takkanna massing pamimpinga.

PAMMILANGNGANG 20:9

Jari a'lampami Musa angngallei anjo takkanga situru' Naparentakanga Batara.

1 KORINTUS 10:10

Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

PAOLE 9:24

Baku'nu kuasseng, tuli tenana numappilangngeri mae ri Batara.

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 30:22

Mingka ri ana' buana Daud niaka amminawang siagang ia, nia' ja'dalaki siagang angngoai. Nakana ke'nanga, “Anne ngaseng taua tena namminawang; jari tena ha'na ke'nanga anggappa apa-apa battu ri anjo barang-barang nirampasaka. Bainennaji siagang ana'naji bawang ke'nanga akkulle naalle, nampa a'lampa.”