PAMMILANGNGANG 16:5 - KITTA' MATANGKASA'

⁵ Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.

PAMMILANGNGANG 16:5 ပူးပေါင်းရင်းမြစ်များ

PAMMUJI 105:26

Nampa Nasuro Musa atanNa siagang Harun tunipileNa.

PAMMUJI 115:10

He sikamma imang, manrannuangko mae ri Batara, Iami antulungko siagang anjagaiko.

PAMMUJI 65:4

Teai sipato' battala'na dosa-dosaku, mingka iKatte ampammopporanga'.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

YEREMIA 49:19

Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

YEREMIA 50:44

Rapang singa ammumbaya battu ri romang lompoa ri ampi'na Binanga Yordan nabattu mange ri parang pa'rukukanna gimbalaka, kamma tomminjo iNakke, Batara, labattu siagang ampalari Babel battu ri kotana ke'nanga silalonna. Nampa laKupilei sitau pamimping untu' amparentai anjo bansaya. Inai akkulle nipasangkammangA'? Inai barani appare' parkara siagang iNakke? Apaka nia' pamimping akkulle angngewA'?

YEHEZKIEL 40:46

nampa los a'dalle' waraka nipasadiakangi sikamma imang tugasaka ri tampa' pakkoro'bangnganga. Sikontu anjo imanga musti tau battu ri jari-jarina Zadok. Nasaba' battu ri suku Lewi poro jari-jarinaji bawang Zadok akkulle andallekang ri Batara untu' allayani ri Ia lalang ri wattu ibadana taua.

YEHEZKIEL 43:19

Imang jari-jarinaji bawang Imang Zadok battu ri suku Lewi akkulle battu mae ri dallekangKu untu' anggaukangi ibadaya. INakke, Batara Kaminang Tinggia amparentakangi anjo passalaka. Sarei ke'nanga sikayu sapi laki rungkaya untu' koro'bang pannangkasi dosa.

YEHEZKIEL 45:4

Anjo tampaka matangkasaki, siagang nipasadiai untu' sikamma imang tugasaka anggaukangi ibadaya ri Balla'Na Batara. Sipa'gang battu ri anjo tampaka la'jari tampa' untu' balla'na ke'nanga, na sipa'gang pole untu' Balla'Na Batara.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

PAMMILANGNGANG 16:6

Ammuko bari'basa' ikau siagang sikamma tumminawannu musti angngalleko tampa'-tampa' pepe', nubonei bara pepe' siagang dupa, nampa nuerang mange ri tampa' pakkoro'bangnganga. Baji'mi naniciniki sallang angkanaya inai ri katte le'ba' nipile ri Batara. Angganna'mi anjo, he ikau sikamma tu Lewi!”

PAMMILANGNGANG 17:5

Anjo takkanna tau Kupilea laccu'laki. Kammaminjo caraKu lampamari kunrarenna sikamma tau tulusu' a'moro-moroa mae ri kau.”

PAMMILANGNGANG 17:8

Ammukona bari'basa', ri wattunna antama' Musa ri KemaNa Batara, nacini'ni angkanaya anjo takkanna Harun, iamintu takkanna tu Lewia, accu'la'mi. A'bungami anjo takkanga, siagang a'rappo toami!

YOHANES 15:16

Teai ikau ngaseng ampileA'. Mingka iNakke ampile ngasengko, siagang assuro ngasengko a'lampa sollannu akkulle a'rappo jai – natalapanraka anjo rapponnu. Na apa-apa mamo nupala' lalang arengKu, laNasareko Manggea.

LAMPA-LAMPANA 1:2

sa'genna ri allo ta'angka'Na nai' ri suruga. Ri tenanapa naNai' ri suruga, Nasare ngasemmi pappijo'jo' sikamma tunisuro le'baka Napile, lalang koasaNa RohNa Allata'ala.

LAMPA-LAMPANA 1:24

Nampa appala' doang ke'nanga. Nakana ke'nanga, “O Batara, iKatte angngasseng ngasengi atinna sikontu rupataua. Tu'guru'mi Yudas battu ri empoanna salaku tunisuroTa, siagang matemi. Jari Kijo'jokang sai ikambe, kereanga ri anne tau ruaya Kipile antarimai anne jama-jamanga, ansambeangai Yudas.”

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 15:7

Sanna' sallona ke'nanga sipa'bicara. Kala'busanna ammentemmi Petrus na nakana, “Sikamma sari'battangku ngaseng! Nuasseng ngasemmi angkanaya ri siapa are wattu allaloa Napilema' Allata'ala battu ri tangnga-tangnganu, untu' ampa'la'bangi anjo Kabara' Bajika mange ri bansa-bansa maraenga, sollanna nalangngere' todong siagang tappa' todong ke'nanga.

LAMPA-LAMPANA 22:14

Nampa nakanamo pole Ananias mae ri nakke, ‘Napile mako Allata'alana boe-boeta, sollanna nuasseng ero'Na. Kammayatompa sollanna nucini' Isa, AtanNa Allata'ala anggaukangai ero'Na Allata'ala, kammayatompa nulangngere' kalennu sa'ranNa Isa.

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

1 SAMUEL 2:28

Battu ri sikontu suku niaka ri Israel, le'ba'mi Kupile kaluargana untu' ajari imangKu, untu' allayani ri tampa' pakkoro'bangnganga, attunu dupa, siagang ammake baju efod punna a'bicarai siagang iNakke. Siagang le'ba'mi Kusare ha' ke'nanga siagang turunganna untu' angngalle sipa'gang battu ri koro'bang nitunua ri tampa' pakkoro'bangnganga.