PAMMILANGNGANG 16:46 - KITTA' MATANGKASA'

⁴⁶ nampa nakana Musa mae ri Harun, “Allei tampa' pepe'nu, bonei siagang bara pepe' battu ri tampa' pakkoro'bangnganga siagang bonei dupa irateanna. Erangi linta' mae ri ummaka siagang gaukangi upacara pammopporang dosaya untu' ke'nanga. Lintakko! A'rinrami larroNa Batara siagang appakkaramulami garringa.”

PAMMILANGNGANG 16:46 ပူးပေါင်းရင်းမြစ်များ

1 PATTOTTORANG 27:24

Appakkaramulami Yoab ana'na Zeruya ambilangi taua, mingka tena napa'le'baki, nasaba' Nahukkungi Allata'ala tu Israel passabakkang anjo pa'bilanga. Iaminjo saba'na natena nicataki siapa jaina ke'nanga lalang ri kitta'na Karaeng Daud.

PAMMUJI 106:29

Anjo panggaukanna ke'nanga napanaiki larroNa Batara, sa'genna nipitujui ke'nanga ri garring appakamallaka.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

KAIMANGNGANG 10:6

Nampa nakana Musa mae ri Harun siagang sikamma ana'na maraenga, iamintu Eleazar siagang Itamar, “Teako lappassangngi akkara'ngasa' uu'nu siagang teako kekkeki pakeannu lanri ero'na nupappicinikang angkanaya si'nako lanri kamateangko. Punna kamma anjo nugaukang, lamateko, siagang sikontu umma' Israel lanikalarroi ri Batara. Mingka sikontu umma' Israel maraenga akkulle si'na lanri anjo tau ruaya mate nakanrei pepe'Na Batara.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

PAMMILANGNGANG 11:33

Lalang jaina ija dageng untu' nakanre ke'nanga, larromi Batara mae ri anjo bansaya siagang appabattumi garring mae ri ke'nanga.

PAMMILANGNGANG 18:5

Ikauji bawang, Harun, siagang sikamma ana'-ana'nu musti anggaukangi tugasa' lalanga ri Kamara' Matangkasaka siagang tampa' pakkoro'bangnganga, sollanna tenamo naKularro poleang mae ri bansa Israel.

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

PAMMILANGNGANG 25:8

nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.

PAMMILANGNGANG 8:19

nampa anjo tu Lewia Kupassareangi mae ri Harun siagang sikamma ana'-ana'na, sollanna akkulle nagaukang tugasaka untu' tu Israel lalang ri KemaKu. Kammayatompa sollanna appala' ke'nanga pammopporokKu untu' bansa Israel, sollanna anjo bansaya tena natujui bala punna battui ke'nanga a'reppese' dudu ri anjo tampa' matangkasaka.”

PAOLE 9:22

Kammayatompa ri Tabera, ri Masa siagang ri Kibrot-Taawa, nupakanassui Batara.