PAMMILANGNGANG 16:29 - KITTA' MATANGKASA'

²⁹ Punna mate anjo sikamma taua sangkamma biasa, tena hukkungang apa-apa battu ri Allata'ala, iaminjo pammatei angkanaya tena naNasuroa' Batara.

PAMMILANGNGANG 16:29 ပူးပေါင်းရင်းမြစ်များ

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

1 KARAENG-KARAENG 22:28

Nakanamo Mikha, “Punna ammoterekki' siagang salama', battuanna tena Na'bicara Batara tete ri nakke! Sikamma hadereka anrinni a'jari sa'bi ngasengi.”

2 PATTOTTORANG 18:27

Nakanamo Mikha, “Punna ammoterekki' siagang salama', a'nassai angkanaya tena Na'bicara Batara tete ri nakke. Sikontu tau hadereka anrinni a'jari sa'bi.”

AYUB 35:15

Nukapangi angkana tena Nahukkungi Allata'ala taua siagang tena Naparhatikangi gau' salaya.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

KATO'BA 3:19

Manna antekamma, anjo sarenna rupataua siagang olo'-oloka sirupaji. Se'rea lamatei, maraengannaya kamma todong. Rua-ruana sangkamma, iamintu apa attallasa'. Jari, tena nala'bi upa' rupataua na olo'-oloka, saba' para sia-siaji anjo tallasaka mae ri ia.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

YEREMIA 5:9

Maka tena namusti Kuhukkung bansa kammaya anjo siagang Kubalasa' apa le'baka nagaukang ke'nanga?

PIRAUNG 4:22

Le'ba'mi najappai Sion hukkunganna lanri dosa-dosa nagaukanga ke'nanga; kamma-kamma anne tenamo nalaNibalang parekang ikambe ri Batara na tenamo kilaNierang pole mange ri pammelakkanga. Mingka ikau Edom, laNihukkungko ri Batara. Lanisungkei sikamma dosa-dosanu.

PAPPICINI' 11:5

Punna nia' tau ancoba-cobai a'gau' kodi mae ri ke'nanga, lassulu'mi battu ri bawana ke'nanga pepe' akkullea angngancuruki musu-musunna. Kammaminjo carana nanabuno sikamma tau eroka ampa'ri'-pa'risi ke'nanga.