PAMMILANGNGANG 16:26 - KITTA' MATANGKASA'

²⁶ Angkanami Musa mae ri tu Israel, “Pakabellai kalennu battu ri anne tau ja'dalaka siagang tea sikaliko seroi barang-baranna ke'nanga. Punna tena nuppilangngeri, lanipanrakiko siagang ke'nanga lanri dosa-dosana ke'nanga.”

PAMMILANGNGANG 16:26 ပူးပေါင်းရင်းမြစ်များ

PA'JARIANG 19:17

Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

YESAYA 52:11

A'lampamako! Bokoi kota Babel, he ikau ngaseng angngerangai pakkasa'na Balla'Na Allata'ala! Teako seroi barang ra'masaka; tangkasi kalennu ri tenanapa nu'lampa.

YEREMIA 51:6

Pasalamaki kalennu! Lariko battu ri Babel, gassingka amminawang tongko nibuno lanri dosana ke'nanga! Nasaba' iaminne wattunna laKubalasa' kaja'dallanna Babel, siagang laKuhukkung situru' panggaukanna.

PAMMILANGNGANG 16:25

Nampa a'lampamo Musa nirurungang ri sikamma pamimping Israel mange ri tampa'na Datan siagang Abiram.

MATIUS 10:14

Punna nia' tau ri se'reang balla' yareka ri se'reang kota taeroka antarimako, yareka taerokai ampilangngeri kana-kanannu, bokoimi anjo tampaka na nube'besang limbu'bu' niaka ri pala' bangkennu.

LAMPA-LAMPANA 13:51

Napatu'du'mi nanapasulu' limbu'bu' niaka ri pa'lapa' bangkenna Paulus siagang Barnabas ri dallekanna ngaseng ke'nanga. Iaminjo a'jari pappakainga' mae ri ke'nanga. Le'baki anjo a'lampami Paulus siagang Barnabas mange ri Ikonium.

LAMPA-LAMPANA 8:20

Mingka appialimi Petrus nakana, “Cilaka mako ikau siagang doe'nu! Nukana lakkullei niballi passareNa Allata'ala siagang doe'?

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

PAPPICINI' 18:4

Nampa nia' sa'ra maraeng kulangngere' battu ri suruga angkana, “Assulukko, ikau ngaseng ummakKu! Assulukko battu lalang! Teako pinawangngi dosa-dosana, siagang teako amminawangngi antanggongi hukkunganna!