PAMMILANGNGANG 16:21 - KITTA' MATANGKASA'

²¹ “Ammono'bokoko battu ri sikamma anjo taua; laKupossoki ke'nanga kamma-kamma memang anne.”

PAMMILANGNGANG 16:21 ပူးပေါင်းရင်းမြစ်များ

PA'JARIANG 19:13

nasaba' anne kotaya lanipanraki ri kambe. Nalangngere'mi Batara sikamma tuduhang battalaka mae ri sikamma tau ammantanga ri anne kotaya, na ikambemi anne nisuro battu untu' antumpasaki anne kota Sodom.”

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

KALAPPASSANG 32:12

Punna Kiancuruki ke'nanga, lanakanamo tu Mesirka angkana Kipimpingi anjo bansaya assulu' battu ri Mesir sollanna akkulle Kibuno ke'nanga ri monconga siagang Kiancuru' taba sikali ke'nanga. TeaKi' appakammai, o Batara; Kipinra laloi anjo pattujunTa ero' ancilakai anjo bansaya.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YEREMIA 5:16

siagang sanna' ngaseng baranina tukang panana; pallaki siagang tena pangngamaseanna ke'nanga ammuno.

PAMMILANGNGANG 14:12

LaKuancuruki ke'nanga; lappabattuA' garring a'lette'-letteka ri tangnga-tangngana ke'nanga. Mingka ikau laKupa'jariko mangge ri se'rea bansa lompoanganga siagang kassakanganga na anjo ke'nanga!”

PAMMILANGNGANG 14:15

Punna Kibuno ngaseng sikontu ummatTa anne, anjo bansa-bansa le'baka allangngereki anjo areng masahorotTa lanapaumi angkanaya

PAMMILANGNGANG 16:20

Nampa Nakana Batara mae ri Musa siagang Harun,

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

PAMMILANGNGANG 17:10

Nampa Nakanamo Batara mae ri Musa, “Padongkoki ammotere' takkanna Harun ri dallekanna Patti Parjanjianga. Anjo takkanga musti niboliki salaku pappiu'rangi mae ri tu Israel nangaia angngewa, sollanna mate ke'nanga punna tena nammari a'moro-moro.”

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

PAPPICINI' 18:4

Nampa nia' sa'ra maraeng kulangngere' battu ri suruga angkana, “Assulukko, ikau ngaseng ummakKu! Assulukko battu lalang! Teako pinawangngi dosa-dosana, siagang teako amminawangngi antanggongi hukkunganna!