PAMMILANGNGANG 16:19 - KITTA' MATANGKASA'

¹⁹ Nampa napasse're Korah sikontu ummaka; nampa ammenteng ke'nanga assidallekang siagang Musa na Harun ri pakke'bu' KemaNa Batara. Ti'ring nia'mo nacini' sikontu umma' caya sioro'Na Batara.

PAMMILANGNGANG 16:19 ပူးပေါင်းရင်းမြစ်များ

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KALAPPASSANG 16:7

Ammuko lanucini' ngasengi singara' kahaderanNa Batara. Nalangngereki Batara angkanaya larro-larro ngasengko mae ri Ia; iyo, Batara nukalarroi, nasaba' anne ikambe poro parentaNaji nagaukang ikambe.

KAIMANGNGANG 9:23

Nampa antama' Musa siagang Harun ri KemaNa Batara. Le'baki anjo assulu'mi ke'nanga nampa nabarakkaki ummaka. Nampa nacini' sikontu umma' Israel caya kahaderanNa Batara.

KAIMANGNGANG 9:6

Nampa nakanamo Musa, “Nasuro ngasengko Batara anggaukangi anne kammaya sollanna akkulle nucini' caya kahaderanNa Batara.”

PAMMILANGNGANG 12:5

siagang naummi Batara lalang ri benteng rammanga. Ammentengi Batara ri pakke'bu' KemaNa siagang Nakio'mi Harun siagang Miryam. Majumi mange ri dallekang anjo tau ruaya,

PAMMILANGNGANG 14:10

Sikontu ra'yaka a'garatta'mi ero' ansambilai ke'nanga batu sa'genna mate. Mingka ti'ring nia'mo nacini' ke'nanga caya tassioro'Na Batara ammumba irateanna Kemaya.

PAMMILANGNGANG 16:18

Jari tunggala' taua angngerammi tampa' pepe', nabonei bara pepe' siagang dupa, nampa ammenteng ri pakke'bu' KemaNa Batara siagang Musa na Harun.

PAMMILANGNGANG 16:20

Nampa Nakana Batara mae ri Musa siagang Harun,

PAMMILANGNGANG 16:42

Lalang asse'rena ke'nanga angngewai Musa siagang Harun, assailemi ke'nanga mae ri KemaNa Batara; na nacini'mo ke'nanga rammanga anrangkaki anjo Kemaya, nampa kacinikammi caya kahaderanNa Batara.

PAMMILANGNGANG 20:2

Ri se'reang wattu tenamo je'ne' ri tampa' pakkemaanna ke'nanga. Jari battumi sikamma anjo taua allipungi Musa siagang Harun,

PAMMILANGNGANG 20:6

A'lampami Musa siagang Harun ampakabellai kalenna ri anjo taua nampa ammenteng ri ampi'na pakke'bu' KemaNa Batara. Su'ju'mi ke'nanga, nampa battumo caya kahaderanNa Batara ansiori ke'nanga.