PAMMILANGNGANG 16:18 - KITTA' MATANGKASA'

¹⁸ Jari tunggala' taua angngerammi tampa' pepe', nabonei bara pepe' siagang dupa, nampa ammenteng ri pakke'bu' KemaNa Batara siagang Musa na Harun.

PAMMILANGNGANG 16:18 ပူးပေါင်းရင်းမြစ်များ

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

KAIMANGNGANG 16:12

musti naallei tampa' pepe'ka battu ri tampa' pakkoro'bangnganga nampa nabonei bara pepe' sa'genna rassi siagang ruang kangkang dupa alusuka, nampa naerang mange ri Kamara' Kaminang Matangkasaka.

KAIMANGNGANG 16:13

Anjo dupaya musti natunui ri dallekanna Patti Parjanjianga, sa'genna natongko' anjo pa'rangka'na Patti Parjanjianga siagang umbunna siagang takkullea nacini' Harun, nasaba' punna naciniki, tena tamatena.

PAMMILANGNGANG 16:19

Nampa napasse're Korah sikontu ummaka; nampa ammenteng ke'nanga assidallekang siagang Musa na Harun ri pakke'bu' KemaNa Batara. Ti'ring nia'mo nacini' sikontu umma' caya sioro'Na Batara.

PAMMILANGNGANG 16:37

“Suroi Eleazar ana'na Imang Harun angngangkaki tampa'-tampa' pepe' battua ri anjo sesa-sesa akkanrea siagang napasiara' aunna mange ri tampa' maraenga, nasaba' anjo tampa' pepeka matangkasaki. Anjo barang-baranga iamintu passarena tumate nihukkung matea lanri dosana. Anjo barang-baranga matangkasaki lanri le'ba'mi nipassareang ri dallekanNa Batara; lanri kammana anjo musti nide'deki a'jari a'leppa'-leppa' nipisi' untu' nipatempele' ri bageang pantara'na tampa' pakkoro'bangnganga. Anjo kammaya a'jari pappiu'rangi mae ri bansa Israel.”

PAMMILANGNGANG 16:48

Ammarimi anjo garringa; niaki Harun ri tangnga-tangngana tau attallasaka ija siagang tau mateamo.