PAMMILANGNGANG 16:15 - KITTA' MATANGKASA'

¹⁵ Teaimi sipato' larrona Musa siagang nakanamo mae ri Batara, “O Karaeng, tea' laloKi' tarimai passarena ke'nanga. Tena le'bakai nia' ri ke'nanga kupakarugi, manna pole sitau tania'; ba'lalo manna pole sikayua keledai tale'ba' nia' kualle battu ri ke'nanga.”

PAMMILANGNGANG 16:15 ပူးပေါင်းရင်းမြစ်များ

2 SAMUEL 22:22

Kuturuki parentaNa Batara, na tena kuma'boko battu ri Allata'alaku.

KALAPPASSANG 32:19

A'reppese'namo Musa mae ri anjo pakkemaanga, nacini'mi anjo sapi bulaenga siagang tau sitabanga a'joge'-joge'; sanna'mi larrona. Anjoreng memanji, iamintu ri bangkenna anjo monconga, napatappasa' anjo batu naeranga sa'genna ancuru' tassimbung-simbung.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

PAMMILANGNGANG 16:16

Nampa nakana Musa mae ri Korah, “Battu mako ammuko mae ri KemaNa Batara siagang anjo 250 tumminawannu. Lania' tongi Harun anjoreng. Musti nuerangi massing tampa' pepe'nu. Bonei dupa, nampa nupassareang mae ri Batara.”

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

1 KORINTUS 9:15

Mingka manna nakamma, inakke tenale'bakapi kupake manna sirupa anjo ha' kammaya. Siagang punna kutulisi' anne suraka mae ri kau ngaseng, teai lanri erokku sollanna nupassareang anjo sikammaya sumpaeng mae ri nakke. Nasaba' erokanganga' matea naia tappelaka sirikku lanri passabakkang kammaya anjo sumpaeng.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 7:2

Tarima maki' antama' ri atinnu ngaseng. Tena salana ikambe mae ri se'reang tau, siagang manna sitau tena le'ba' nipa'jari rugi ri kambe. Tena manna sitau le'ba' nipassawalli ri kambe.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.