PAMMILANGNGANG 16:13 - KITTA' MATANGKASA'

¹³ Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:13 ပူးပေါင်းရင်းမြစ်များ

KALAPPASSANG 1:11

Jari angngangka'mi tu Mesir siapa are jaina pajaga mae ri bansa Israel untu' ampakasukkaraki katallassanna ke'nanga, iamintu nasuroi tu Israel anjama terasa'. Nipassai ke'nanga ambangungi kota Pitom siagang Raamses, untu' karaeng Mesir untu' a'jari pammolikang barang-barang.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

KALAPPASSANG 17:3

Mingka sanna' ngaseng turerena ke'nanga siagang tuli a'moro'-moromi ke'nanga ri Musa. Nakana ke'nanga, “Angngapa nuerangi ikambe assulu' ri butta Mesir? Nukellai ikambe siagang ana'-ana'na ikambe kammayatompa olo'-olo'na ikambe mate napakamma turere?”

KALAPPASSANG 2:14

Appialimi anjo taua angkana, “Inai angngangkakko a'jari pamimping siagang haking mae ri kambe? Ero' tongko ambuno tonga' sangkamma anjo tu Mesirka nubunoa?” A'jari malla'mi Musa siagang napikkiriki angkana, “Ballasa'ma! Naassemmi taua anjo panggaukangku.”

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

YEHEZKIEL 34:18

Battu ri kau nia' tena nasangga nasa'ring pa'mai'na punna poro ruku' kaminang bajika nacappu', mingka naonjo'-onjokang tompi ruku' tenaya nakanrei ke'nanga! Angnginungi ke'nanga je'ne' ci'nong nampa napuccakki je'ne' tenaya nainungi ke'nanga!

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

PAMMILANGNGANG 11:5

Niu'rangi juku' nikanre bawang-bawanga ri Mesir, kammayatompa bonteka, boyo', perei, lasuna eja siagang lasuna kebo'.

PAMMILANGNGANG 13:27

Nakana ke'nanga mae ri Musa, “Le'ba'mi nasalidiki ikambe anjo pa'rasanganga; anjo pa'rasanganga kalumanynyangi siagang coppongi buttana nacini' ikambe. Iaminne sike'de' rappo-rappoang niaka anjoreng.

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

PAMMILANGNGANG 16:12

Nampa nasuro kio' Musa anjo Datan siagang Abiram; mingka nakanamo ke'nanga, “Taerokai ikambe battu!

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LAMPA-LAMPANA 7:35

Iaminne Musa, tenaya niakui ri bansa Israel, siagang nisorongbokoa angkana, ‘Inai le'ba' angngangkakko a'jari pamimping siagang a'jari haking mae ri kambe?’ Mingka sitojenna, iami nisuro ri Allata'ala a'jari pamimping siagang appasalamaka, lanri bantuanna anjo malaeka' battua mae ri ia lalang ri anjo rompo' a'rinraya.