PAMMILANGNGANG 15:9 - KITTA' MATANGKASA'

⁹ musti nipassareang tongi tallu kilo labu' nipasileoka siagang rua litere' minynya' zaitun untu' koro'bang nipatala,

PAMMILANGNGANG 15:9 ပူးပေါင်းရင်းမြစ်များ

1 PATTOTTORANG 21:23

Appialimi Arauna angkana, “Iye' karaeng, kiallemi, siagang kigaukammi apa-apa kikanaya baji'. Anne siapa are sapi untu' a'jari koro'bang nitunu, kammayatompa anne kayu-kayu papanna anne panggilinganga kialle tommi untu' kayu tunuang. Angngalle tommaki' gandung untu' a'jari koro'bang passare. Yangasenna anjo kupassareang bawanji, jari tea' maki' bayaraki.”

NEHEMIA 10:33

Lanapasadiai ikambe sikamma kaparalluanga untu' panynyombang ri Balla'Na Batara ri Yerusalem, iamintu: roti lanipatalaya, gandung passare allo-alloa, olo'-olo' untu' koro'bang nitunu allo-alloa, passare matangkasa' maraengannaya, koro'bang-koro'bang untu' nipammopporanna dosa Israel, siagang sikontu apa niparluanga untu' Balla'Na Batara ri Yerusalem.

YEHEZKIEL 42:13

Nakana anjo tu bura'nea ri nakke, “Anjo ruaya bangunang matangkasaki. Anjoreng, sikamma imanga akkulle andallekang ri kahaderanNa Batara, angnganre koro'bang kaminang matangkasaka. Anjoreng tommi musti natampakkang ke'nanga sikamma koro'bang kaminang matangkasaka, iamintu: koro'bang gandung siagang koro'bang pannangkasi dosa yareka koro'bang sambe karugiang.

YEHEZKIEL 46:11

Ri allo-allo lompoa siagang passua'-suarranga, sikamma sapi lakia siagang gimbala' laki nipassareanga musti nipasiagangi siagang gandung 17,5 litere', kammayatompa tunggala' ana' gimbalaka siapa-siapa situru' ero'na tau anggaukangai ibadaya. Tunggala' koro'bang gandunga musti nipasiagangi siagang passare minynya' zaitun iamintu tallu litere'.

YEHEZKIEL 46:15

Tunggala' bari'basa', musti nipassareangi mae ri Batara iamintu: sikayu ana' gimbala', koro'bang gandung siagang minynya' zaitun.”

YEHEZKIEL 46:5

Siagang anjo gimbala' lakia musti nipassareang tongi koro'bang gandung iamintu 17,5 litere', nampa tunggala' ana' gimbalaka musti nipassareang tongi siagang gandung situru' nikaerokia. Tunggala' koro'bang gandunga musti nirurungangi siagang passare tallu litere' minynya' zaitun.

YEHEZKIEL 46:7

Tunggala' sapi lakia siagang bembe lakia musti nipassareangi siagang gandung 17,5 litere', tunggala' ana' gimbala' musti nipassareangi siagang gandung, siapa-siapa mamo jaina situru' nakaerokia. Tunggala' koro'bang gandunga musti nipasiagangi tallu litere' minynya' zaitun.

YO"EL 1:9

Tenami gandunga siagang anggoroka lalang ri Balla'Na Batara. Nasusa rapang tukamateammo sikamma imanga tamamminraya allayani Batara.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 6:14

Iaminne paratorang-paratoranna koro'bang nipatalaya untu' Batara. Anjo koro'banga musti nierangi mange ri dallekanna tampa' pakkoro'bangnganga ri kalase'renna jari-jarina Harun.

KAIMANGNGANG 7:37

Kammaminjo paratorang paratoranga ri passala'na koro'bang nitunua, koro'bang nipatalaya, koro'bang pammopporang dosaya, koro'bang passambe karugianga, koro'bang pallantikanga siagang koro'bang passiamakkanga.

PAMMILANGNGANG 15:10

siagang rua litere' anggoro'. Rasanna anjo koro'banga napakasannangi nyawaNa Batara.

PAMMILANGNGANG 15:8

Punna anjo nikoro'bangkanga iamintu sikayu sapi laki untu' koro'bang nitunu yareka koro'bang pa'bayara' tinja' yareka koro'bang passiamakkang,

PAMMILANGNGANG 28:12

Salaku koro'bang nipatala musti nipassareang tongi labu' nipasileoka siagang minynya' zaitun; tallu kilo labu' untu' tassikayua sapi laki; rua kilo labu' untu' gimbala' lakia,

PAMMILANGNGANG 28:14

Siagang anjo koro'banga musti nipassareang tongi koro'bang je'ne' anggoro', ta'rua litere' untu' tassikayu sapi laki, se're sitangnga litere' untu' gimbala' laki, nampa se're litere' untu' tassikayua ana' gimbala'. Iaminjo paratoranna nikanaya koro'bang nitunua, musti nipassareanga ri tanggala' se're ri tunggala' bulanga lalang sitaung.

PAMMILANGNGANG 29:6

Sikamma anjo koro'banga a'jari pannambai mae ri koro'bang nitunu nipassareanga siagang koro'bang nipatalaya, ri tanggala' se're tunggala' bulang. Kammayatompa a'jari pannambai mae ri koro'bang nitunu tunggala' alloa, nipassareanga siagang koro'bang nipatala na koro'bang je'ne' anggoro'na. Rasanna anjo koro'banga napakasannangi nyawaNa Batara.

1 SAMUEL 1:24

Le'baki nisa'la' anynyusu Samuel, niantara'mi ri amma'na mange ri Balla'Na Batara ri Silo. Anjo wattua ca'di dudu iji Samuel. Angngerang tommi Hana sikayu sapi laki umuru' tallun taunga, gandung sampulo kilo battala'na, siagang sipammoneang rassia anggoro'.