PAMMILANGNGANG 15:7 - KITTA' MATANGKASA'

⁷ siagang se're sitangnga litere' je'ne' anggoro'. Rasanna anjo koro'banga napakasannangi nyawaNa Batara.

PAMMILANGNGANG 15:7 ပူးပေါင်းရင်းမြစ်များ

1 PATTOTTORANG 29:21

Ammukona ammolommi ke'nanga olo'-olo' untu' a'jari koro'bang passare mae ri Batara, nampa nibage-bage mae ri sikontu ra'yaka. Pantaranganna anjo nia' 1.000 sapi laki, 1.000 gimbala' laki, 1.000 gimbala' laki rungkaya nipolong siagang nitunu akkayu irate ri tampa' pakkoro'bangnganga. Assare tommi ke'nanga anggoro' ia nitantukanga untu' massing-massing anjo sikamma koro'banga.

KALAPPASSANG 29:40

Siagang anjo ana' gimbala' untu' passare bari'basaka, musti nipassareang tongi se're kilo battala'na tarigu kaminang bajika, ia nipasileoka siagang silitere' minynya' zaitun tenaya campuranna. Pantaranganna anjo nipassareang tongi silitere' je'ne' anggoro'.

PAMMILANGNGANG 15:6

Punna anjo nikoro'bangkanga iamintu sikayu gimbala' laki, musti nipassareang tongi rua kilo labu' nipasileoka siagang se're sitangnga litere' minynya' zaitun untu' koro'bang nipatala,

PAMMILANGNGANG 15:8

Punna anjo nikoro'bangkanga iamintu sikayu sapi laki untu' koro'bang nitunu yareka koro'bang pa'bayara' tinja' yareka koro'bang passiamakkang,

PAMMILANGNGANG 28:2

ampabattui mae ri bansa Israel angkanaya musti naparhatikangi siagang baji' ke'nanga sollanna punna narapiki allo-allo le'baka nipattantu, assarei ke'nanga koro'bang-koro'bang a'rupa kanre-kanreang ampakasannangai nyawaNa Batara.

PAMMILANGNGANG 28:7

Siagang anjo ana' gimbalaka musti nipassareang tongi silitere' je'ne' anggoro' nipatirika irate ri tampa' pakkoro'bangnganga.

PAMMILANGNGANG 6:15

Musti assare tongi sibaku' roti tenaya nammake pa'gambang, iamintu roti a'bo'donga ia nipareka battu ri labu' nipasileoka siagang minynya' zaitun, kammayatompa kanrejawa nipisi' nisapua minynya' zaitun. Pantaranganna anjo sikammaya musti assare tongi koro'bang nipatala siagang koro'bang inung-inungang.

HAKING-HAKING 9:13

Mingka appialimi poko' anggoroka angkana, ‘Masakang musti lakupammari assare wassele' anggoro' ampakasannangai pa'mai'na rewata-rewataya siagang rupataua, lanri poro la'jari karaennu!’