PAMMILANGNGANG 15:21 - KITTA' MATANGKASA'

²¹ Sa'genna satunggu-tungguna sikamma roti battu ri gandung uru nikattoa musti nupassareangi salaku passare nisa'la' untu' Batara.

PAMMILANGNGANG 15:21 ပူးပေါင်းရင်းမြစ်များ

NEHEMIA 10:38

Mingka nia' sitau imang turungang battua ri Harun musti anrurungangi ke'nanga anjo tu Lewia, punna napasse're ke'nanga anjo sikamma passarea. Nabage sampulona anjo sikamma passarea musti nierangi ri tu Lewia mange ri kamara'-kamara' parsadiaanga ri Balla'Na Batara ri Yerusalem.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

KAIMANGNGANG 23:14

Ri wattu tenanapa nuerangi anjo passarea mae ri Batara, takkulleai nukanre anjo gandung berua manna pole sike'de', baji namataya, kammayatompa nilanggaya yareka nitunua nipa'jari roti. Anne paratoranga musti nituruki ri sikontu jari-jarinu sa'genna satunggu-tungguna.

PAMMILANGNGANG 15:20

Punna attunuko roti battu ri gandung uru-uru nukattoa, anjo rotia musti nupassareangi a'jari koro'bang nisa'la' mae ri Batara. Carana ampassareangi sangkamma tonji carana ampassareangi gandung uru nugilinga.

PAMMILANGNGANG 15:22

Punna tena nukunjungi nanukaluppai kalase'renna anjo paratorang Napassareanga Batara mae ri Musa, appakkaramula ri allo Napassareanna Batara anjo paratoranga sa'genna mae ri jari-jarinu, nampa nanigaukang anjo kasalanga lanri tena naassengi ummaka anjo paratoranga, sikontu ummaka musti assarei sikayu sapi laki untu' koro'bang nitunu. Anjo kammaya musti nipasierang tongi koro'bang nipatala siagang je'ne' anggoro' sangkamma le'baka nipattantu. Rasanna anjo koro'banga napakasannangi nyawaNa Batara. Pantaranganna anjo musti nikoro'bangkang tongi sikayu gimbala' laki untu' koro'bang pammopporang dosa.

PAMMILANGNGANG 18:26

ampabattui anne parentaya mae ri tu Lewi: Punna annarimako passare battu ri tu Israel iamintu passare bage sampulona panggappanna ke'nanga, ia Napassareanga Batara untu' a'jari bageannu, musti nupassareangi bage sampulona mae ri Batara untu' passarenu nisa'laka.