PAMMILANGNGANG 15:20 - KITTA' MATANGKASA'

²⁰ Punna attunuko roti battu ri gandung uru-uru nukattoa, anjo rotia musti nupassareangi a'jari koro'bang nisa'la' mae ri Batara. Carana ampassareangi sangkamma tonji carana ampassareangi gandung uru nugilinga.

PAMMILANGNGANG 15:20 ပူးပေါင်းရင်းမြစ်များ

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

KAIMANGNGANG 2:12

Battu ri wassele' buttaya, ia bungasa' niallea tunggala' taung, musti nipassareangi sipa'gang mae ri Batara, mingka takkulleai nitunu irate ri tampa' pakkoro'bangnganga.

KAIMANGNGANG 2:14

Punna assareko koro'bang mae ri Batara, iamintu gandung bungasa' nukattoa, erangi anjo gandung berua ia le'baka nidengka sa'genna alusu' yareka le'baka nilangga.

KAIMANGNGANG 23:20

Anjo rotia siagang ruang kayua gimbala' musti nipassareangi ri imanga salaku passare nipappicinikang mae ri Batara siagang iaminjo a'jari bageanna imanga. Anjo sikamma passarea matangkasaki.

PAMMILANGNGANG 15:21

Sa'genna satunggu-tungguna sikamma roti battu ri gandung uru nikattoa musti nupassareangi salaku passare nisa'la' untu' Batara.

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

ROMA 11:16

Punna sikere' roti uru-urua nipassareammi mae ri Allata'ala, battuanna anjo roti sibatua nipassareang tommi mae ri Allata'ala. Na punna Allata'ala pata anjo aka'na poko' kayua, battuanna anjo tangke-tangkenna Ia todong pata.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

PAOLE 14:22

“Tunggala' taung musti nusa'laki bage sampulona sikontu wassele' buttanu.

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

PAOLE 16:13

“Punna le'ba'mo nulessoro' gandunnu, siagang le'ba' ngasemmi nipacco' rappo anggoro'nu, musti nupakalompoi Allo Lompo Pa'ballakang Leko'-leko' Kayua, lalang tuju allo.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.